රටේ කෘෂිකර්මාන්තය සහ ගොවි ජනතාව බරපතල ඛේදවාචකයකට මුහුණ දී සිටින බවත්, රජයේ වැරදි කළමනාකරණය හේතුවෙන් ගොවීන් වගා කළ වී ටික විකුණාගත නොහැකිව නිවෙස් තුළම ගොඩගැසී ඇති බවත් ජාතික ගොවිජන එකමුතුව පවසයි. රජය බලයට පැමිණෙන විට රුපියල් 7,200ක්ව පැවති පොහොර මිටියක මිල මේ වන විට රුපියල් 17,200 දක්වා රුපියල් 10,000කින් පමණ ඉහළ ගොස් ඇති අතර, පොහොර ඇති බවට රජය පම්පෝරි ගැසුවද ගොවියාට අවශ්ය වේලාවට පොහොර ලබාදීමට ආණ්ඩුව අපොහොසත් වී ඇති බවට චෝදනා එල්ල වේ.
දේශීය ගොවියා ශක්තිමත් කරනවා වෙනුවට හාල් ආනයනය කිරීමට මුල්තැන දෙන වෙළඳ අමාත්යවරයාගේ සහ රජයේ ක්රියාකලාපය හමුවේ කෘෂිකර්මාන්තය වළපල්ලට යමින් පවතින බවද මෙහිදී අවධාරණය කෙරිණි. තවද, වැව් අමුණු ප්රතිසංස්කරණය කිරීම වැනි සැබෑ සංවර්ධන කටයුතු පසෙකලා, වැසිකිළි විවෘත කිරීම වැනි ප්රදර්ශනාත්මක වැඩසටහන් හරහා ජනතාව මුලාවට පත් කරන බවටත්, රජයේ පොහොර සමාගම් ශක්තිමත් නොකර පෞද්ගලික සමාගම්වලට වැඩි මිලට පොහොර ගෙන ඒමට ඉඩ සලසා දීමට අමාත්ය ලාල්කාන්ත මහතා ඇතුළු පිරිස කටයුතු කරන බවටත් ජාතික ගොවිජන එකමුතුව වැඩිදුරටත් චෝදනා කර සිටියි.
වහාම ක්රියාත්මක වන පරිදි ගොවීන්ගේ වී තොග සාධාරණ මිලකට මිලදී ගැනීමටත්, අවශ්ය පොහොර නිසි කලට ලබා දීමටත් පියවර ගන්නා ලෙස ඔවුන් රජයට දැඩිව බලකර සිටියි.
