අරුණ ජයවර්ධන මහතාගේ අධ්යක්ෂණයෙන්, තිර රචනයෙන් සහ ගීත පද රචනයෙන් හැඩවී ඉන්ද්රජිත් සිල්වා මහතා නිෂ්පාදනය කළ ‘මාරියා: ද ඕෂන් ඒන්ජල්’ (Maria: The Ocean Angel) චිත්රපටය තුළ සෘජු හා වක්ර ලෙස දුම්කොළ සහ මද්යසාර ප්රවර්ධනය වන බවට චෝදනා එල්ල වෙමින් පවතී. 2025 නොවැම්බර් 21 වන දින තිරගත වූ මෙම සිනමාපටයට මෙරට ප්රකට රංගන ශිල්පීන් වන මහේන්ද්ර පෙරේරා, හේමාල් රණසිංහ, අෂාන් ඩයස්, ප්රියන්ත සිරිකුමාර, දසුන් පතිරණ, සුරන් දසනායක සහ අභාවප්රාප්ත දර්ශන ධර්මරාජ් යන මහත්වරුන් දායක වී ඇත. කෙසේ වෙතත්, මෙහි ප්රධාන නළුවන් හත් දෙනාගෙන් හතර දෙනෙකුම (මහේන්ද්ර පෙරේරා, හේමාල් රණසිංහ, අෂාන් ඩයස් සහ අභාවප්රාප්ත දර්ශන ධර්මරාජ්) දුම්පානය කරන දර්ශන සහ රංගන ශිල්පීන් හත් දෙනාම මත්පැන් භාවිත කරන දර්ශන ඇතුළත් පූර්ව ප්රචාරක පට සහ තේමා ගීත දර්ශන නිකුත් වීමත් සමඟ මෙම අර්බුදකාරී තත්ත්වය උද්ගත වී තිබේ.
අධ්යක්ෂකවරයා විසින් මීට පෙර නිර්මාණය කළ චිත්රපට හතරෙහිම දුම්පානය සහ මත්පැන් භාවිතය නිරූපණය කරන දර්ශන අන්තර්ගතව තිබූ බව දත්ත වාර්තා පෙන්වා දෙයි. මෙම නවතම චිත්රපටයේ දර්ශන සම්බන්ධයෙන් Tobacco Unmasked Hotspots (TUHS) වෙබ් අඩවිය වෙත ප්රේක්ෂක පැමිණිලි කිහිපයක් ලැබී ඇති අතර, ඒවා මේ වන විට ලංකාවේ දුම්කොළ සහ මද්යසාර පාලනය සඳහා වන ප්රධාන නීති රාමුව වන “දුම්කොළ සහ මද්යසාර පිළිබඳ ජාතික අධිකාරිය” (NATA) වෙත විධිමත් ලෙස යොමු කර ඇත.
විද්යාත්මක සාක්ෂිවලට අනුව, දෘශ්ය මාධ්ය හරහා දුම්කොළ ප්රචාරණයට සහ ප්රවර්ධනයට නිරාවරණය වන තරුණ පරපුර ඒ කෙරෙහි ධනාත්මක ආකල්ප ගොඩනගා ගන්නා අතර, එමඟින් ඔවුන් දුම්පානයට ඇබ්බැහි වීමේ අවදානම ඉහළ යයි. මේ හේතුවෙන් දුම්කොළ පාලනය පිළිබඳ ජාත්යන්තර නීතිමය රාමුව (FCTC 13) මඟින් ද මෙවැනි අනුග්රාහකත්වයන් සහ ප්රචාරණ සම්පූර්ණයෙන්ම තහනම් කිරීමට නිර්දේශ කර තිබේ. ශ්රී ලංකාවේ ක්රියාත්මක NATA පනත මඟින් ද දුම්පානය, දුම්කොළ නිෂ්පාදන හෝ ඒ ආශ්රිත වෙළඳ ලකුණු, නිශ්චල හෝ චල පින්තූර, සංඥා හෝ දෘශ්ය නිරූපණ හරහා සෘජුව හෝ වක්රව ප්රවර්ධනය කිරීම වෙළඳ දැන්වීම්කරණයක් ලෙස අර්ථ දක්වමින් නීති විරෝධී ක්රියාවක් ලෙස නම් කර ඇත.
