සුප්රසිද්ධ ෆෝබ්ස් (Forbes) සඟරාව විසින් 2026 වසර සඳහා ලොව වැඩිම ආදායමක් උපයාගත් ක්රීඩකයින් 10 දෙනාගේ වාර්ෂික ලැයිස්තුව ප්රකාශයට පත් කර තිබේ. මෙවරත් ලැයිස්තුවේ පෙරමුණ ගැනීමට පෘතුගාලයේ සුපිරි පාපන්දු ක්රීඩක ක්රිස්ටියානෝ රොනාල්ඩෝ සමත් වී ඇත.
පසුගිය මාස 12 තුළ සවුදි අරාබියේ අල්-නස්ර් කණ්ඩායම සමඟ ඇති ගිවිසුම සහ වෙළෙඳ ප්රවර්ධන කටයුතු හරහා 41 හැවිරිදි රොනාල්ඩෝ උපයා ඇති මුළු ආදායම ඇමරිකානු ඩොලර් මිලියන 300කි. ඔහු මෙම ලැයිස්තුවේ ප්රථම ස්ථානය දිනාගත් හයවැනි අවස්ථාව මෙය වන අතර, බොක්සිං ක්රීඩක ෆ්ලොයිඩ් මේවෙදර් විසින් 2015 වසරේදී තැබූ ඩොලර් මිලියන 300ක ඉතිහාසගත වාර්තාව සම කිරීමට ද රොනාල්ඩෝ සමත් විය.
ෆෝබ්ස් සඟරාවට අනුව 2026 වසරේ වැඩිම ආදායම් ලැබූ ක්රීඩකයින් 10 දෙනා මෙසේය.
ක්රිස්ටියානෝ රොනාල්ඩෝ (පාපන්දු) – ඇමරිකානු ඩොලර් මිලියන 300
කැනෙලෝ අල්වාරෙස් (බොක්සිං) – ඇමරිකානු ඩොලර් මිලියන 170
ලියොනල් මෙසී (පාපන්දු) – ඇමරිකානු ඩොලර් මිලියන 140
ලෙබ්රොන් ජේම්ස් (බාස්කට්බෝල්) – ඇමරිකානු ඩොලර් මිලියන 137.8
ෂෝහෙයි ඔටානි (බේස්බෝල්) – ඇමරිකානු ඩොලර් මිලියන 127.6
ස්ටෙෆන් කරි (බාස්කට්බෝල්) – ඇමරිකානු ඩොලර් මිලියන 124.7
ජෝන් රාම් (ගොල්ෆ්) – ඇමරිකානු ඩොලර් මිලියන 107
කරීම් බෙන්සෙමා (පාපන්දු) – ඇමරිකානු ඩොලර් මිලියන 104
කෙවින් ඩියුරන්ට් (බාස්කට්බෝල්) – ඇමරිකානු ඩොලර් මිලියන 103.8
ලුවිස් හැමිල්ටන් (ෆෝමියුලා 1) – ඇමරිකානු ඩොලර් මිලියන 100
මෙම සමස්ත ලැයිස්තුවේ කැපී පෙනෙන ලක්ෂණය වන්නේ පාපන්දු සහ බාස්කට්බෝල් යන ක්රීඩාවලින් ක්රීඩකයින් තිදෙනා බැගින් ඇතුළත් වෙමින් වැඩිම ආධිපත්යයක් පෙන්නුම් කර තිබීමයි. මෙම ක්රීඩකයින් 10 දෙනා පසුගිය මාස 12 තුළ එකතුව උපයා ඇති මුළු ආදායම ඇමරිකානු ඩොලර් බිලියන 1.4කට අධික බව ෆෝබ්ස් වාර්තාව වැඩිදුරටත් පෙන්වා දෙයි.
