මෙරට ප්රාදේශීය මට්ටමින් කටයුතු කරන හදිසි මරණ පරීක්ෂකවරුන් (Inquirers into Sudden Deaths) විසින් යම් හෙයකින් සේවාවන් ඉටුකර දීම සඳහා මහජනතාවගෙන් අල්ලස් හෝ කිසියම් මුදලක් ඉල්ලා සිටියහොත්, ඒ පිළිබඳව වහාම තමන් වෙත දැනුම් දෙන ලෙස අධිකරණ සහ ජාතික ඒකාබද්ධතා අමාත්යාංශය (Ministry of Justice and National Integration) සහ අල්ලස් හෝ දූෂණ චෝදනා විමර්ශන කොමිෂන් සභාව (CIABOC) එක්ව විශේෂ නිවේදනයක් නිකුත් කරමින් මහජනතාවගෙන් ඉල්ලා සිටියි. මරණ පරීක්ෂණ කටයුතුවලදී සිදුවන දූෂණ සහ අක්රමිකතා වැළැක්වීම සඳහා මෙම ඒකාබද්ධ මහජන දැනුවත් කිරීමේ පියවර ගෙන තිබේ.
අධිකරණ අමාත්යාංශය අවධාරණය කරන්නේ, අපරාධ නඩු විධාන සංග්රහය පනතේ (Criminal Procedure Code) 108 වන වගන්තිය යටතේ හදිසි මරණ පරීක්ෂකවරුන් පත් කරනු ලබන්නේ මහජනතාව වෙනුවෙන් ඉටුකරනු ලබන ගෞරවනීය සේවාවක් (Service) ලෙස පමණක් බවයි. එබැවින් ඔවුන්ට කිසිදු අයුරකින් මහජනතාවගෙන් මුදල් අයකිරීමට හෝ ප්රතිලාභ ඉල්ලීමට කිසිදු නීතිමය අවසරයක් නොමැත. යම් හෙයකින් එවැනි අල්ලස් ඉල්ලීම් හෝ බලපෑම් සිදුවන්නේ නම්, අල්ලස් හෝ දූෂණ චෝදනා විමර්ශන කොමිෂන් සභාවේ ‘1954’ ක්ෂණික ඇමතුම් අංකය ඔස්සේ හෝ අධිකරණ අමාත්යාංශයේ ‘0702724637’ යන විශේෂ වට්ස්ඇප් (WhatsApp) අංකය ඔස්සේ වහාම තොරතුරු සහ සාක්ෂි ලබාදෙන ලෙස රජය මහජනතාවගෙන් දැඩිව ඉල්ලා සිටියි.
