මෙරට ආර්ථිකයේ අඩු ආදායම් මට්ටම්වල පසුවන කාන්තාවන් සෘජුවම ඉලක්ක කර ගනිමින්, කාන්තා සහ ළමා කටයුතු අමාත්යාංශය යටතේ ක්රියාත්මක වන ශ්රී ලංකා කාන්තා කාර්යාංශය මගින් “ව්යවසායකත්ව සංවර්ධනය තුළින් කාන්තාවන් සවිබලගැන්වීම්” නමැති විශේෂ ජාතික වැඩසටහන ආරම්භ කිරීමට රජය තීරණය කර ඇත. මෙම වැඩසටහන පුළුල් කිරීම සඳහා අමාත්ය මණ්ඩලය විසින් රුපියල් මිලියන 200ක මූලික යෝජනාවකට සිය පූර්ණ අනුමැතිය ලබා දී ඇත.
මෙම ජාතික වැඩසටහන මගින් මධ්යම මට්ටමේ ව්යවසායක කාන්තාවන් මහා පරිමාණ ව්යවසායකයින් බවට පත් කිරීම, ඔවුන්ගේ නිෂ්පාදන සඳහා නව දේශීය හා විදේශීය වෙළෙඳපොළ අවස්ථා නිර්මාණය කිරීම මෙන්ම රාජ්ය සහ පෞද්ගලික හවුල්කාරිත්වය යටතේ කාන්තාවන් ආර්ථික වශයෙන් ශක්තිමත් කිරීම අරමුණු කරයි.
ඊට අමතරව, රැකියා විරහිත තරුණියන් ව්යවසායකත්ව ක්ෂේත්රයට යොමු කිරීම, සමාජයේ විවිධ හිංසනයන්ට ලක්වූ කාන්තාවන් සඳහා සහන සහ රැකවරණය සැලසීම මෙන්ම මෙම ක්ෂේත්රයේ කටයුතු කරන නිලධාරීන්ගේ වෘත්තීය ධාරිතාව සංවර්ධනය කිරීම ද මෙම සමස්ත වැඩසටහන යටතේ සිදු කිරීමට සැලසුම් කර ඇත.
ප්රධාන වැඩසටහන් ක්ෂේත්ර 11ක් යටතේ විධිමත්ව සකස් කර ඇති මෙම වාර්ෂික ක්රියාත්මක සැලැස්ම 2026 වසරේදී දිවයින පුරා ඉතා කඩිනමින් ක්රියාත්මක කිරීමට පියවර ගන්නා බව රජයේ නිල ආරංචි මාර්ග තහවුරු කරයි.
