කොළඹ වරාය නගරය (Port City Colombo), විශේෂ ආර්ථික කලාපයක් (SEZ) ලෙස සිය සංවර්ධන ගමනේ සුවිශේෂී සන්ධිස්ථානයක් සනිටුහන් කරමින් නව ආයෝජන රැල්ලක් ආකර්ෂණය කර ගැනීමට සමත්ව ඇත. 2026 අප්රේල් මාසයේදී ‘ක්රමෝපාය වැදගත්කමක් ඇති ව්යාපාර’ (BSIs) 77ක් සඳහා කැබිනට් අනුමැතිය හිමිවීම මෙයට මූලික හේතුවයි.
මෙම ව්යාපෘති හරහා ශ්රී ලංකාවේ ආර්ථිකය ශක්තිමත් කිරීමට අපේක්ෂිත ප්රධාන කරුණු අතර දැවැන්ත ආයෝජන ප්රධාන වේ. අනුමැතිය ලත් ප්රාථමික ව්යාපෘතිවල ඉඩම් සහ සංවර්ධන පිරිවැය රුපියල් බිලියන 125ක් වන අතර, ඉදිරි වසර පහ තුළ ඇමෙරිකානු ඩොලර් මිලියන 262ක සෘජු විදේශ ආයෝජන අපේක්ෂා කෙරේ. ද්විතීයික ව්යාපාර හරහා තවත් ඇමෙරිකානු ඩොලර් මිලියන 364ක විදේශ විනිමය ගලා ඒමක් බලාපොරොත්තු වේ. මීට අමතරව, මෙම නව ආයෝජන ව්යාපෘති මගින් සෘජු රැකියා අවස්ථා 10,000කට අධික ප්රමාණයක් උත්පාදනය වනු ඇතැයි ගණන් බලා ඇත. මෙම ව්යාපාර සමුද්රීය හා මූල්ය පහසුකම්, තොරතුරු තාක්ෂණය, ඩිජිටල් ආර්ථිකය, කලාපීය මූලස්ථාන මෙහෙයුම්, සංචාරක සහ දේපළ වෙළඳාම් ඇතුළු විවිධ අංශ ආවරණය කරයි.
ආයෝජකයින් දිරිගැන්වීම සඳහා වරාය නගරය ආර්ථික කොමිෂන් සභාව (CPCEC) විසින් විශේෂ පහසුකම් හඳුන්වා දී ඇත. සියලුම අනුමැතීන් සහ පහසුකම් එකම ස්ථානයකින් ලබා දීමේ විධිමත් ‘Single Window’ ක්රියාවලියක් ක්රියාත්මක කෙරේ. ගෝලීය ව්යාපාරික වෙනස්වීම් හමුවේ කඩිනමින් මෙහෙයුම් ආරම්භ කිරීමට කැමති ආයෝජකයින් සඳහා දින 7ක් ඇතුළත ‘බලයලත් තැනැත්තෙකු’ ලෙස ලියාපදිංචි වීමට සහ වැඩ කරන දින 5ක් ඇතුළත සේවා වීසා ලබා ගැනීමට අවස්ථාව සලසා ඇත. මීට අමතරව 2026 අංක 1 දරන කොළඹ වරාය නගරය ආර්ථික කොමිෂන් සභා (සංශෝධන) පනත මගින් ආයෝජන පරිසරය වඩාත් විනිවිදභාවයකින් සහ කාර්යක්ෂමව පවත්වා ගැනීමට පියවර ගෙන තිබේ.
සම්පූර්ණයෙන් නිම වූ පසු ඇමෙරිකානු ඩොලර් බිලියන 15ක වටිනාකමකින් යුත් කොළඹ වරාය නගරය, දකුණු ආසියාවේ ප්රධානතම වාණිජ සහ නවීන ජීවන රටා කේන්ද්රස්ථානය ලෙස ශ්රී ලංකාව ජාත්යන්තරය තුළ ස්ථාපිත කරනු ඇත. වැඩිදුර තොරතුරු සඳහා නිල වෙබ් අඩවි වන www.portcitycolombo.lk හෝ www.portcitycolombo.gov.lk වෙත පිවිසිය හැකිය.
