ඇෆ්ගනිස්ථාන ජනතාවගේ සුබසාධනය වෙනුවෙන් තමන් සතු කැපවීම නොවෙනස්ව පවතින බවත්, එරට සාමය, ස්ථාවරත්වය සහ සංවර්ධනය උදෙසා අඛණ්ඩව මානුෂීය ආධාර සහ සංවර්ධන සහයෝගිතාව සැපයීමට ඉන්දියාව කැපවී සිටින බවත් ඉන්දීය විදේශ කටයුතු අමාත්යාංශය නිල වශයෙන් ප්රකාශ කර තිබේ.
එක්සත් ජාතීන්ගේ ආරක්ෂක මණ්ඩලයේදී ඇෆ්ගනිස්ථානය සම්බන්ධයෙන් ඉන්දීය නිත්ය නියෝජිතවරිය සිදුකළ ප්රකාශය පිළිබඳව මාධ්ය මගින් විමසූ අවස්ථාවේදී, විදේශ කටයුතු අමාත්යාංශයේ ප්රකාශක රන්දීර් ජයිස්වාල් මහතා මේ බව අවධාරණය කළේය.
ඉන්දියාව විසින් ආහාර සුරක්ෂිතතාවය තහවුරු කිරීම සහ සෞඛ්ය ක්ෂේත්රය වෙනුවෙන් අවශ්ය ඖෂධ ආධාර අඛණ්ඩව සැපයීම සිදු කරයි. මීට අමතරව ඇෆ්ගන් වැසියන්ගේ අධ්යාපනික සහ වෘත්තීය නිපුණතා නැංවීම සඳහා ශිෂ්යත්ව සහ විශේෂ පුහුණු අවස්ථා ලබාදීම මෙන්ම එරට ස්ථාවරත්වය උදෙසා අවශ්ය යටිතල පහසුකම් සහ සංවර්ධන ව්යාපෘති සඳහා දායක වීම ඉන්දියාව අඛණ්ඩව සිදුකරයි.
ඇෆ්ගන් ජනතාවට සහයෝගය දැක්වීම සම්බන්ධයෙන් ඉන්දියාවේ ප්රතිපත්තිමය ස්ථාවරයේ කිසිදු වෙනසක් සිදුවී නොමැති බවත්, අසල්වැසි රටක් ලෙස මෙන්ම ජාත්යන්තර ප්රජාවේ වගකිවයුතු පාර්ශ්වයක් ලෙස ඇෆ්ගනිස්ථානයට අවශ්ය සහාය අඛණ්ඩව ලබාදීමට පියවර ගන්නා බවත් ඉන්දීය බලධාරීන් වැඩිදුරටත් සඳහන් කරයි.
