චීන අපනයන ශීඝ්රයෙන් ඉහළ යාම හේතුවෙන් චීනය සහ යුරෝපා සංගමය (EU) අතර පවතින වෙළඳ සබඳතාවල දැඩි නොසන්සුන්කාරී තත්ත්වයක් හටගෙන තිබේ. මෙම පසුබිම මත, චීනය විසින් මේ මාසයේ බීජිං නුවරදී පැවැත්වීමට නියමිතව තිබූ වැදගත් රාජ්යතාන්ත්රික සාකච්ඡා වට දෙකක් ඉතා කෙටි දැනුම්දීමකින් හදිසියේම අවලංගු කර ඇති බව ෆයිනෑන්ෂියල් ටයිම්ස් පුවත්පත වාර්තා කරයි.
අවලංගු කරන ලද සාකච්ඡා අතරින් එක් වටයක් ඩිජිටල් ක්ෂේත්රයේ ගැටලු පිළිබඳව පැවැත්වීමට නියමිතව තිබූ අමාත්ය මට්ටමේ සාකච්ඡාවක් වන අතර, අනෙක යුරෝපීය බාහිර ක්රියාකාරී අංශයේ නියෝජ්ය මහලේකම් ඔලොෆ් ස්කූග් මහතාගේ සහභාගීත්වයෙන් පැවැත්වීමට සැලසුම් කර තිබූවකි. මෙම සාකච්ඡා හදිසියේ අවලංගු කිරීමට හේතුවක් බීජිං පාලනය විසින් මෙතෙක් නිල වශයෙන් අනාවරණය කර නොමැති වුවද, අනෙක් පාර්ශවයේ ප්රතිපත්ති පිළිබඳව පවතින අප්රසාදය පළ කිරීම සඳහා මෙවැනි උපක්රම රාජ්යතාන්ත්රික ක්ෂේත්රයේදී නිතර භාවිත කරනු ලබයි.
පවතින වෙළඳ ආරවුල් රැසකට විසඳුම් සෙවීමේදී නිසි ප්රගතියක් අත්කර ගැනීමට අපොහොසත් වීම හේතුවෙන්, පසුගිය වසරේ ජූලි මාසයේ පැවැති රාජ්ය නායක සමුළුවට පෙර චීනය සමඟ පැවැත්වීමට තිබූ වැදගත් ආර්ථික සාකච්ඡාවක් ප්රතික්ෂේප කිරීමට ද යුරෝපා සංගමය මීට පෙර කටයුතු කර තිබුණි.
