ළමුන් සහ යෞවනයන් සමාජ මාධ්ය භාවිතය හේතුවෙන් මුහුණ දෙන මානසික හා සමාජීය හානිය වළක්වාලීමේ අරමුණින් කැනේඩියානු රජය විසින් නව “ඩිජිටල් ආරක්ෂණ පනතක්” (Digital Safety Act) හඳුන්වා දී තිබේ. මෙම නව නීතිමය ප්රතිපාදන යටතේ වයස අවුරුදු 16ට අඩු ළමුන් සඳහා සමාජ මාධ්ය භාවිතය සම්පූර්ණයෙන්ම තහනම් වන අතර, රජය විසින් පනවා ඇති දැඩි ආරක්ෂක ප්රමිතීන් සපුරාලීමට සමත්වන සමාජ මාධ්ය වේදිකා සඳහා පමණක් මෙහිදී විශේෂ සහනයක් හිමිවනු ඇත.
මෙම පනත් කෙටුම්පත මඟින් සමාජ මාධ්ය නියාමනයට අමතරව, වර්තමානයේ ශීඝ්රයෙන් ව්යාප්ත වන කෘතිම බුද්ධි (AI) චැට්බෝට් (Chatbots) තාක්ෂණය දරුවන්ට වඩාත් ආරක්ෂිත සහ හිතකර එකක් බවට පත් කිරීමට ද පියවර ගෙන තිබේ. ඒ සඳහා අවශ්ය ආරක්ෂණ ප්රමිතීන් ස්ථාපිත කිරීම සහ අධීක්ෂණය වෙනුවෙන් ස්වාධීන “ඩිජිටල් නියාමකයෙකු” (Digital Regulator) පිහිටුවීමට ද කැනේඩියානු රජය සැලසුම් කර ඇති බව එරට රජයේ නිලධාරියෙක් මාධ්ය වෙත තහවුරු කළේය.
සමාජ මාධ්ය සහ අන්තර්ජාලය ඔස්සේ දරුවන්ට සිදුවන විවිධ මානසික පීඩනයන් හා අපරාධමය හානීන් පිළිබඳව සැලකිලිමත් වෙමින්, ගෝලීය වශයෙන් සමාජ මාධ්ය වේදිකාවලට එරෙහිව දැඩි නීති පනවන රටවල් රැල්ලේ නවතම සාමාජිකයා බවට පත්වීමට කැනඩාව මෙලෙස පියවර ගෙන ඇත.
