මැදපෙරදිග පවතින අර්බුදකාරී තත්ත්වය හේතුවෙන් ගෝලීය බොරතෙල් සැපයුමට බාධා එල්ල වීමත් සමඟ, ඉන්දියාව තම රට තුළ ඩීසල් අලෙවිය සීමා කිරීමට පියවර ගෙන ඇති බව Bloomberg වාර්තා කරයි. බොරතෙල් සැපයුම දින 90ක කාලසීමාවකට සීමා කිරීමට ඉන්දීය බලධාරීන් තීරණය කර ඇති අතර, මෙම තත්ත්වය එරට ඉන්ධන සිල්ලර වෙළෙඳුන් දැඩි අර්බුදයකට ලක් කර තිබේ.
ඉන්දියාව ලොව විශාලතම බොරතෙල් ආනයනකරුවෙකු සහ පිරිපහදු මධ්යස්ථානයක් වන බැවින්, මෙවැනි සීමා කිරීම් මගින් කලාපීය ඉන්ධන සැපයුම් දාමයට සහ මිල ගණන්වලට සැලකිය යුතු බලපෑමක් ඇති විය හැකිය. ශ්රී ලංකාව තම ඉන්ධන අවශ්යතාවයෙන් සැලකිය යුතු කොටසක් ඉන්දියාව ඇතුළු කලාපීය රටවල් හරහා සපුරා ගන්නා බැවින්, මෙම තත්ත්වය දේශීය වෙළඳපොළට ද බලපෑම් එල්ල කළ හැකි සාධකයක් ලෙස විශේෂඥයෝ පෙන්වා දෙති.
ඉන්ධන සැපයුම්වල හිඟයක් ඇති වුවහොත් හෝ ලෝක වෙළඳපොලේ බොරතෙල් මිල තවදුරටත් ඉහළ ගියහොත්, එය මෙරට ඉන්ධන මිල තීරණය කිරීමේ ක්රියාවලියට මෙන්ම විදේශ විනිමය කළමනාකරණයට ද අභියෝගයක් වනු ඇත. කෙසේ වෙතත්, ශ්රී ලංකා බලධාරීන් මෙම ගෝලීය තත්ත්වයන් නිරීක්ෂණය කරමින්, රට තුළ ඉන්ධන හිඟයක් ඇති නොවීමට අවශ්ය පියවර ගනිමින් සිටින බව රජයේ ආරංචි මාර්ග පවසයි.
