ඇමරිකාව සමඟ ඇති කරගැනීමට නියමිත සාම ගිවිසුමේ මූලික අදියර ඩිජිටල් ක්රමයට අත්සන් කිරීමට සූදානම් වුවද, න්යෂ්ටික ගැටලු සහ සම්බාධක ඉවත් කිරීමේ තීරණාත්මක සාකච්ඡා අවසන් ගිවිසුම දක්වා කල් දමා ඇති බව ඉරාන විදේශ අමාත්ය අබ්බාස් අරාග්චි (Abbas Araghchi) පවසයි. විශේෂයෙන්ම බටහිර රටවල් දැඩි සේ ඉල්ලා සිටින, ඉරානය සතු 60% ක් දක්වා ඉහළ සාන්ද්රණයකින් යුත් යුරේනියම් තොග (Enriched Uranium) රටින් පිටකිරීමේ ඇමරිකානු ඉල්ලීම ඉරානය සෘජුවම ප්රතික්ෂේප කර ඇත.
මාධ්ය වෙත අදහස් දක්වමින් විදේශ අමාත්යවරයා අවධාරණය කළේ, එම ඉහළ සාන්ද්රිත යුරේනියම් ද්රව්ය සම්බන්ධයෙන් ගත හැකි එකම සහ පිළිගත හැකි එකම පියවර වන්නේ ඒවා ඉරාන භූමිය තුළදීම (Diluting inside Iran) සාන්ද්රණය අඩු කර දියකර හැරීම පමණක් බවයි. දේශපාලන විචාරකයන් පවසන්නේ, තමන් සතු න්යෂ්ටික කාඩ්පත (Nuclear Insurance) සම්පූර්ණයෙන්ම අත්හැරීමට ඉරානය සූදානම් නොමැති බවත්, ඔවුන් මෙම තාවකාලික එකඟතා හරහා කාලය ලබාගැනීමේ (Playing for time) සහ සිය දේශීය දේශපාලන ප්රතිරූපය රැකගැනීමේ උපක්රමශීලී පිළිවෙතක තවදුරටත් නිරත වන බවයි.
තොරතුරු උපුටා ගැනීම: Mario nawfal(X) ඇසුරින්
