මැදපෙරදිග කලාපීය තර්ජනයන්ට මුහුණ දීම සඳහා ඊශ්රායලය සමඟ පවතින බුද්ධි තොරතුරු හුවමාරු කිරීමේ ක්රියාවලිය (Intelligence sharing) තවදුරටත් පුළුල් කිරීම සහ ශක්තිමත් කිරීම ඇමරිකාවට අනිවාර්ය කෙරෙන නව පනත් කෙටුම්පතක් ඇමරිකානු සෙනෙට් මන්ත්රී ටොම් කොටන් (Tom Cotton) විසින් ඉදිරිපත් කර තිබේ.
මෙම යෝජිත නව නීතියට අනුව, ඇමරිකානු ජනාධිපතිවරයා විසින් නිල වශයෙන් ප්රකාශයට පත් කරනු ලබන සුවිශේෂී ජාතික ආරක්ෂක ගැටලුවකදී (National security concern) හැරුණු විට, වෙනත් කිසිදු අවස්ථාවක ඊශ්රායලය සමඟ සිදුකෙරෙන බුද්ධි තොරතුරු හුවමාරු කිරීම් අත්හිටුවීමට හෝ සීමා කිරීමට (Suspending or limiting) ඇමරිකානු බලධාරීන්ට පවතින නීතිමය හැකියාව අහිමි වී යනු ඇත. එලෙස සීමා කිරීම නීති විරෝධී ක්රියාවක් බවට මෙම පනත මඟින් පෙන්වා දී තිබේ.
දේශපාලන විචාරකයින් පෙන්වා දෙන්නේ මෙමඟින් ඇමරිකානු බුද්ධි අංශ සහ ඊශ්රායලයේ ප්රකට ‘මොසාඩ්’ (Mossad) බුද්ධි අංශය අතර පවතින සබඳතාවය ඉතා ඉහළ මට්ටමකට ඒකාබද්ධ වන බවයි. මෙය දෙරට අතර පවතින ආරක්ෂක සහ බුද්ධි අංශ සබඳතාවල ස්ථාවර මෙන්ම ස්ථිර කාලීන නවීකරණයක් (Permanent alliance upgrade) වනු ඇති බව ද ඔවුහු පෙන්වා දෙති.
