2026 වසරේ පළමු කාර්තුව (ජනවාරි සිට මාර්තු දක්වා) තුළ ජාතික ළමා ආරක්ෂක අධිකාරිය (NCPA) වෙත ලැබී ඇති සමස්ත පැමිණිලි දත්තවලට අනුව, දරුවන්ගේ අනිවාර්ය අධ්යාපනයට බාධා කිරීම් සම්බන්ධයෙන් සැලකිය යුතු පැමිණිලි සංඛ්යාවක් වාර්තා වී තිබේ. එම කාලසීමාව තුළ එම කාණ්ඩය යටතේ ලැබී ඇති පැමිණිලි සංඛ්යාව 391කි.දරුවෙකුගේ මූලික අයිතිවාසිකමක් වන අනිවාර්ය අධ්යාපනයට බාධා කිරීම, ළමා අයිතිවාසිකම් උල්ලංඝනය කිරීමක් මෙන්ම නීතිමය වශයෙන් ද බරපතළ කරුණකි. දරුවන් පාසල් නොයැවීම, ඔවුන්ව අනවශ්ය ලෙස ශ්රමික කටයුතුවල නිරත කිරීම හෝ අධ්යාපනය සඳහා පවතින අවස්ථා අහිමි කිරීම වැනි ක්රියා මෙම පැමිණිලිවලට හේතු වී ඇතැයි සැලකේ.ළමා ආරක්ෂාව සම්බන්ධයෙන් වසරේ මුල් මාස තුන තුළ වාර්තා වූ සමස්ත පැමිණිලි 2,376 අතුරින්, අධ්යාපන අයිතිය උල්ලංඝනය වීම් සම්බන්ධ මෙම දත්ත පෙන්නුම් කරන්නේ දරුවන්ගේ අධ්යාපන අයිතිය සුරක්ෂිත කිරීම සඳහා තවදුරටත් පුළුල් සමාජ මැදිහත්වීමක් සහ නීතිමය ක්රියාමාර්ග අවශ්ය බවයි.
