ශ්රී ලංකාවේ ප්රමුඛතම දේපළ වෙළෙඳාම් සමාගමක් වන හෝම් ලෑන්ඩ්ස් සමූහය (Home Lands Group), කොළඹ වරාය නගරයේ (Port City Colombo) පිහිටි සුවිශේෂී “සෙන්ට්රල් පාර්ක්” (Central Park District) කලාපයෙන් සිය දෙවන ඉඩම් කොටස ද නිල වශයෙන් මිලදී ගනිමින් සුවිශේෂී සන්ධිස්ථානයක් සනිටුහන් කර තිබෙනවා. අක්කර 3කට වඩා වැඩි භූමි ප්රමාණයකින් යුත් මෙම නව ඉඩම් කොටස, මීට මාස තුනකට පෙර ඔවුන් විසින් වරාය නගරයේ ‘Central Park Boulevard’ නිවුන් කුළුණු (Twin Tower) සුඛෝපභෝගී නිවාස ව්යාපෘතිය වෙනුවෙන් මිලදී ගත් පළමු ඉඩමට යාබදව පිහිටා තිබීම විශේෂත්වයක්. මෙම සමස්ත ආයෝජනය වෙනත් පාර්ශ්වයන්ගේ සහයකින් තොරව හෝම් ලෑන්ඩ්ස් සමාගම විසින් තනි ආයෝජකයෙකු (Single-developer) ලෙස සිදුකර ඇති අතර, එමඟින් සමාගමේ පවතින ශක්තිමත් මූල්ය ස්ථාවරත්වය සහ ජාතික මට්ටමේ දැවැන්ත ව්යාපෘති ස්වාධීනව මෙහෙයවීමේ හැකියාව මනාව පෙන්නුම් කරනවා.
මෙම ඉඩම් අත්පත් කරගැනීමේ නිල ගිවිසුම් අත්සන් කිරීමේ උත්සවය වරාය නගර පරිශ්රයේදී පැවැත්වුණු අතර, ඒ සඳහා චයිනා හාබර් ඉංජිනේරු සමාගමේ (CHEC) සභාපති බායි යින්ෂාන් (Bai Yinzhan), දකුණු සහ ගිනිකොනදිග ආසියානු කලාපීය කළමනාකාර අධ්යක්ෂ වැන්ග් ගැන්ග් (Wang Gang), CHEC පෝර්ට් සිටි කළමනාකාර අධ්යක්ෂ ෂියොන්ග් හොන්ග්ෆෙන්ග් (Xiong Hongfeng) සහ හෝම් ලෑන්ඩ්ස් සමූහයේ සභාපති සහ කළමනාකාර අධ්යක්ෂ නලින් හේරත් යන මහත්වරුන් ඇතුළු ජ්යෙෂ්ඨ නිලධාරීන් පිරිසක් එක්ව සිටියා. මෙහිදී අදහස් දැක්වූ හෝම් ලෑන්ඩ්ස් සභාපති නලින් හේරත් මහතා ප්රකාශ කළේ, වරාය නගරය තුළ සිදුකරන මෙම නව ආයෝජනය හරහා සමස්ත ශ්රී ලංකාවේ අනාගත ආර්ථික වර්ධනය සහ විභවය කෙරෙහි සමාගම තබා ඇති නොබිඳෙන විශ්වාසය යළිත් තහවුරු වන බවයි. මෙරට නිවාස ක්ෂේත්රයේ ‘Superbrands’ තත්ත්වය දිනාගත් එකම දේපළ වෙළෙඳාම් සමාගම වන හෝම් ලෑන්ඩ්ස්, ඔස්ට්රේලියාව, ඩුබායි සහ ලන්ඩන් යන නගරවල ද සිය ශාඛා පවත්වාගෙන යමින් ශ්රී ලංකාවේ දේපළ වෙළෙඳාම් ක්ෂේත්රය ජාත්යන්තර තලයට ඔසවා තැබීමට කටයුතු කරමින් සිටිනවා.
