ලෝක බැංකු උපදෙස් මත එජාප ආණ්ඩුව ගෙන ආ ධවල පත්රිකාවට එරෙහිව ජනතාව දැනුම්වත් කිරීමට රට පුරා ගියේ බස්වල ටිකට් නොගෙන බව අමාත්ය සුනිල් හඳුන්නෙත්ති මහතා පවසයි. සමාජවාදී ශිෂ්ය සංගමයේ ශිෂ්ය වීර දින සමරුවේ ප්රධාන දේශනය පවත්වමින් ඔහු මේ බව සඳහන් කළේය.
එකල අද මෙන් ජංගම දුරකතන නොතිබුණු බවත්, විශ්වවිද්යාලයේ ජංගම දුරකතනයක් තිබූ එකම පුද්ගලයා අන්තර් විශ්වවිද්යාල ශිෂ්ය බලමණ්ඩලයේ කැඳවුම්කරු ලෙස කටයුතු කළ තමන් බවත් අමාත්යවරයා සිහිපත් කළේය.
ධවල පත්රිකාව පිළිබඳ ජනතාව දැනුම්වත් කිරීමට බසයක ගමන් කරන විට, බසයේ සිටි සිසුවෙකු බත් ඉල්ලා හැඬූ නිසා බසයෙන් බැස තමන් අතේ තිබූ මුදලින් ඔහුට බත් අරන් දී, මුදල් නොමැතිව ජයවර්ධනපුර සරසවිය දක්වා බසයෙන් ගමන් කළ ආකාරය ද අමාත්යවරයා මෙහිදී සිහිපත් කළේය.
