ජාතික පොසොන් උත්සවය වෙනුවෙන් අනුරාධපුර පූජා නගරය වෙත පැමිණෙන දහස් සංඛ්යාත බැතිමතුන්ගේ පහසුව උදෙසා විශේෂ ප්රවාහන සේවා ක්රියාත්මක කිරීමට ප්රවාහන, මහාමාර්ග හා නාගරික සංවර්ධන අමාත්යාංශය පියවර ගෙන තිබේ.
මෙම විශේෂ වැඩසටහන සාර්ථක කර ගැනීම සඳහා ශ්රී ලංකා ගමනාගමන මණ්ඩලය, මාර්ගස්ථ මගී ප්රවාහන අධිකාරිය ඇතුළු රාජ්ය ආයතන හතරක් ඒකාබද්ධව කටයුතු කරයි. ඒ අනුව, පොසොන් උත්සව සමයේ වැඩිවන බැතිමතුන්ගේ අවශ්යතාවය පරිදි අනුරාධපුරය වෙත ගමන් ගන්නා බස් රථ සංඛ්යාව වැඩි කිරීමට සහ කාර්යක්ෂම ප්රවාහන සේවාවක් පවත්වාගෙන යාමට සැලසුම් කර ඇත.
අමාත්යාංශය සඳහන් කරන්නේ, බැතිමතුන්ට කිසිදු බාධාවකින් තොරව සිය වන්දනා ගමන් සිදු කර ගැනීමට අවශ්ය පසුබිම මෙම ඒකාබද්ධ වැඩසටහන හරහා සකස් කර ඇති බවයි. වන්දනාකරුවන් සඳහා වන ප්රවාහන පහසුකම් පිළිබඳ වැඩිදුර තොරතුරු සහ කාලසටහන් අදාළ ප්රවාහන ආයතනවලින් ලබා ගත හැකිය.
