ලබන ජූලි මස 1 වැනිදා සිට වාර්ෂික බස් ගාස්තු සංශෝධනය සිදු කරන ලෙස ලංකා පෞද්ගලික බස් හිමියන්ගේ සංගමය ජාතික ගමනාගමන කොමිෂන් සභාවෙන් ලිඛිතව ඉල්ලා තිබේ.
සංගමයේ සභාපති ගැමුණු විජේරත්න මහතා පවසන පරිදි, මෙම ගාස්තු සංශෝධනයට අදාළව ඉදිරි දින කිහිපය තුළ ජාතික ගමනාගමන කොමිෂන් සභාව සමඟ සාකච්ඡා කිරීමට නියමිතය. ඔවුන් බලාපොරොත්තු වන්නේ ජූලි මාසයේදී සිදුකෙරෙන මෙම සංශෝධනය හරහා බස් ගාස්තු 15% ඉක්මවූ ප්රතිශතයකින් ඉහළ යනු ඇති බවයි.
බස් හිමියන් විසින් මෙම ඉල්ලීම සිදු කර ඇත්තේ ඩීසල් මිලෙහි පවතින තත්ත්වයන් සහ වාර්ෂිකව සිදු කෙරෙන ගාස්තු සංශෝධන ක්රියාවලිය පදනම් කර ගනිමිනි. මේ සම්බන්ධයෙන් ජාතික ගමනාගමන කොමිෂන් සභාවේ අවසන් තීරණය ඉදිරි දින 5 ඇතුළත ප්රකාශයට පත් කිරීමට නියමිතය.
