ස්පාඤ්ඤය තුළ රැඳී සිටින නීතිවිරෝධී සංක්රමණිකයන් මිලියන 1.3කට (ලක්ෂ 13කට) එකවර නීත්යානුකූල පදිංචිය ලබාදීමට එරට රජය ගත් තීරණයත් සමඟ සමස්ත යුරෝපා සංගමය (EU) තුළ දැඩි දේශපාලන කැළඹීමක් හටගෙන තිබේ.
ස්පාඤ්ඤ අග්රාමාත්ය පෙද්රෝ සැන්චෙස් (Pedro Sánchez) ගේ මෙම ආන්දෝලනාත්මක පියවර, ඉතාලි අග්රාමාත්ය ජෝර්ජියා මෙලෝනි (Giorgia Meloni) ගේ දැඩි දෝෂදර්ශනයට ලක්ව ඇත. ඉතාලි අග්රාමාත්යවරිය අනතුරු අඟවන්නේ ස්පාඤ්ඤයේ මෙම ක්රියාව හේතුවෙන් යුරෝපයේ සීමා රහිත කලාපය (Schengen Area) හරහා වෙනත් රටවලට සංක්රමණිකයන් ගලා ඒම තවත් වැඩි විය හැකි බවත්, එය සමස්ත යුරෝපයේම දේශසීමා පාලනය බිඳ දැමීමට හේතු වන බවත්ය.
ස්පාඤ්ඤයේ මෙම පූර්ව නිදර්ශනය නිසා සංක්රමණිකයන් විශාල වශයෙන් යුරෝපයේ උතුරු දෙසට ගමන් කරනු ඇති අතර, එය යුරෝපා සංගමයේ සංක්රමණික ප්රතිපත්තිවලට දැඩි පීඩනයක් එල්ල කරන බව ඇය වැඩිදුරටත් කියා සිටියාය. මේ වන විටත් ස්පාඤ්ඤයේ ලියාපදිංචි කිරීමේ මධ්යස්ථාන අසල දිගු පෝලිම් හටගෙන ඇති අතර, පුද්ගලයන් 360,000කට අධික පිරිසකට තාවකාලික ලේඛන ලැබී ඇති බව වාර්තා වේ.
කෙසේ වෙතත්, ස්පාඤ්ඤ අග්රාමාත්ය සැන්චෙස් සිය ප්රතිපත්තිය සාධාරණීකරණය කරමින් කියා සිටින්නේ, මෙය මානුෂීය යුක්තිය ඉටු කිරීමක් මෙන්ම රටේ ආර්ථික වර්ධනය ඉහළ නැංවීමට හේතුවන යහපත් පියවරක් බවයි.
