හිටපු ජනාධිපතිවරයෙකුගේ පුතෙකු විසින් රේගු බදු වංචා කරමින් රුපියල් කෝටි ගණනක් වටිනා සුඛෝපභෝගී මෝටර් රථ මෙරටට හොර රහසේ රැගෙන ඒමේ ජාවාරමක් සම්බන්ධයෙන් අපරාධ පරීක්ෂණ දෙපාර්තමේන්තුව (CID) විශේෂ විමර්ශනයක් ආරම්භ කර තිබේ. මෙම ජාවාරම පසුගිය ආණ්ඩු කාලසීමාව තුළ ක්රියාත්මක වී ඇති බව අනාවරණය වී ඇත.
කන්ටේනර්වල සඟවා සංවිධානාත්මකව මෙරටට ගෙන්වා ඇති මෙම වාහන, මෝටර් රථ ප්රවාහන කොමසාරිස් දෙපාර්තමේන්තුවේ දූෂිත නිලධාරීන්ගේ සහය ඇතිව ලියාපදිංචි කර ඇති බව විමර්ශනවලදී තහවුරු වී තිබේ. මෙම වාහනවලින් ඇතැම් ඒවා දේශපාලනයට සම්බන්ධ පුද්ගලයින්ගේ දරුවන් විසින් පරිහරණය කර ඇති බවද වාර්තා වේ.
මීට අදාළව අපරාධ පරීක්ෂණ දෙපාර්තමේන්තුව මගින් අත්අඩංගුවට ගත් වාහනයක් දැනට රේගු භාරයේ පවතින අතර, වත්මන් ආණ්ඩුව බලයට පත්වීමත් සමඟ එම වාහනයට බදු ගෙවා නිදහස් කර ගැනීමට නොහැකි වී ඇත. මෙම සිද්ධිය සම්බන්ධයෙන් ප්රශ්න කිරීම සඳහා ඉදිරි සතිය තුළ හිටපු ජනාධිපතිවරයාගේ පුත්රයාව අපරාධ පරීක්ෂණ දෙපාර්තමේන්තුව වෙත කැඳවීමට නියමිත බව පොලිස් ආරංචි මාර්ග පවසයි.
