ලොව සුඛෝපභෝගී ඒකාබද්ධ හෝටල් සංකීර්ණ ක්ෂේත්රයේ ප්රමුඛ නාමයක් වන Melco Resorts & Entertainment, තම ජාත්යන්තර අත්දැකීම් සහ විශිෂ්ට සේවාවන් ශ්රී ලංකාවට රැගෙන එමින් ‘City of Dreams Sri Lanka’ ව්යාපෘතිය දියත් කර තිබේ. මැකාවු, මැනිලා සහ සයිප්රස් වැනි රටවල සාර්ථක ව්යාපෘති ගණනාවකට හිමිකම් කියන Melco සමාගම, දකුණු ආසියානු කලාපය තුළ සිය සුවිශේෂී සලකුණ තබමින් මෙම හෝටල් සංකීර්ණය කොළඹ දී ස්ථාපිත කර ඇත.
Melco සමාගමේ ජාත්යන්තර දායකත්වය සහ ඔවුන්ගේ ගෝලීය ගමනාන්තයන් පිළිබඳ කෙටි විමසුමක් පහත දැක්වේ.
ප්රකට ගෘහ නිර්මාණ ශිල්පීනි Dame Zaha Hadid ගේ නිර්මාණයක් වන City of Dreams Macau, මැකාවු ලෝක විනෝදාස්වාද කේන්ද්රස්ථානයක් බවට පත් කිරීමට මෙන්ම ‘House of Dancing Water’ වැනි අද්විතීය අත්දැකීම් ලබා දීමට ද දායක වී ඇත. හොලිවුඩ් සිනමා තේමාවන් මත නිර්මාණය වී ඇති Studio City Macau හි ලොව ප්රථම ඉංග්රීසි අටේ ඉලක්කම හැඩැති ‘Golden Reel’ Ferris wheel එක පිහිටා ඇත. Forbes Travel Guide Five-Star සහතිකය හිමි Altira Macau සුඛෝපභෝගී සත්කාරය සහ Michelin තරු ලත් අවන්හල් සහිත සුවිශේෂී ගමනාන්තයකි. පිලිපීනයේ මැනිලා බොක්ක අසල පිහිටි City of Dreams Manila, ගිනිකොනදිග ආසියාවේ ප්රමුඛතම සංචාරක සහ ජීවන රටා කේන්ද්රස්ථානයක් ලෙස මැනිලා නුවර ඔසවා තැබීමට සමත්ව ඇත. සයිප්රස් රාජ්යයේ ලිමසෝල් නුවර පිහිටි City of Dreams Mediterranean, යුරෝපයේ ප්රථම සහ විශාලතම ඒකාබද්ධ සංචාරක හෝටල් සංකීර්ණය වේ.
මෙම ගෝලීය අත්දැකීම් සමුදාය සමඟින් එන City of Dreams Sri Lanka, සුඛෝපභෝගී ‘Nüwa’ හෝටලය සහ අතිනවීන විනෝදාස්වාද පහසුකම් හරහා ශ්රී ලංකාවේ සංචාරක ක්ෂේත්රයට නව ජවයක් එක් කිරීමට නියමිතය. විශිෂ්ටත්වය, නව්යකරණය සහ අමතක නොවන මතකයන් නිර්මාණය කිරීම තම මූලික අරමුණු බව අවධාරණය කරන Melco සමාගම, සාමාන්ය සංචාරක සේවාවන්ගෙන් ඔබ්බට යමින් සුඛෝපභෝගී සංචාරක ක්ෂේත්රයේ අනාගතය මෙරට තුළ හැඩගැස්වීමට සූදානම් වේ.
