සයවැනි වරටත් පැවැත්වෙන ලංකා ප්රිමියර් ලීග් (LPL) 2026 ක්රිකට් තරගාවලිය සඳහා වන තරග නිලධාරීන්ගේ ලැයිස්තුව ශ්රී ලංකා ක්රිකට් ආයතනය විසින් ප්රකාශයට පත් කර තිබේ. ජූලි 17 වනදා සිට අගෝස්තු 08 වනදා දක්වා පැවැත්වෙන මෙම තරගාවලිය සඳහා අන්තර්ජාතික ක්රිකට් කවුන්සිලයේ (ICC) ප්රභූ පැනලයේ විනිසුරුවන් සහ තරග තීරකවරුන් ඇතුළු පිරිසක් එක්ව සිටිති.
තරග තීරකවරුන් (Match Referees):
රංජන් මඩුගල්ල (ICC ප්රභූ පැනලය), ග්රේම් ලබ්රෝයි (ICC නැගී එන තරග තීරකවරුන්ගේ කණ්ඩායම), වෙන්ඩෙල් ලබ්රෝයි (ICC ජාත්යන්තර පැනලය), මනෝජ් මෙන්ඩිස් (SLC නැගී එන පැනලය) සහ ප්රදීප් ජයප්රකාශ් (SLC නැගී එන පැනලය).
විනිසුරුවන් (Umpires):
කුමාර ධර්මසේන (ICC ප්රභූ පැනලය), වේන් නයිට්ස් (ICC නැගී එන පැනලය), අසිෆ් යාකූබ් (ICC නැගී එන පැනලය), රවීන්ද්ර විමලසිරි, ප්රගීත් රඹුක්වැල්ල, රවීන්ද්ර කොටහච්චි සහ චාමර ද සොයිසා (අන්තර්ජාතික පැනලය). මීට අමතරව අසංක නානායක්කාර, චන්ද්රිකා අමරසිංහ, හේමන්ත බොතේජු, ශාන්ත ෆොන්සේකා සහ පී.ආර්.එල්. දුල්සිරි යන මහත්ම මහත්මීන් SLC නැගී එන විනිසුරු පැනලය නියෝජනය කරමින් මෙම තරගාවලියට සහභාගි වෙති.
