හැටන් සිට තලවකැලේ දක්වා ධාවනය වූ පෞද්ගලික බස් රථයක රියදුරෙකු සහ කොන්දොස්තරවරයෙකු විසින්, ලොරි රථයක සහයකයෙකුව බලහත්කාරයෙන් පැහැරගෙන ගොස් රු. 65,000ක මුදලක් ලබා දෙන බවට ලිපියක් ලියවා ගැනීමේ සිද්ධියක් සම්බන්ධයෙන් එම සැකකරුවන් දෙදෙනා හැටන් පොලිසියේ අපරාධ විමර්ශන අංශය විසින් අත්අඩංගුවට ගෙන තිබේ.
ඉකුත් 30 වන දින හැටන්-නුවරඑළිය ප්රධාන මාර්ගයේ කුඩාගම ප්රදේශයේදී ලොරි රථයක තිරිංග අක්රීය වීම හේතුවෙන් එය ඉදිරියෙන් ගමන් කළ බස් රථයක ගැටී අනතුරක් සිදුව ඇත. අනතුර පොලිසියට වාර්තා නොකර, බස් රථයේ රියදුරු සහ කොන්දොස්තරවරයා විසින් ලොරි රථයේ සහායකයාව බලහත්කාරයෙන් බස් රථයට නංවාගෙන තලවකැලේ දක්වා රැගෙන ගොස් ඇත. එහිදී අනතුරෙන් සිදු වූ අලාභය වෙනුවෙන් රු. 65,000ක මුදලක් ලබා දෙන බවට ලොරි සහායකයා ලවා බලහත්කාරයෙන් ලිපියක් ලියවාගෙන ඔහුව මුදාහැර ඇත. පසුව රිය සහයකයා විසින් හැටන් පොලිසියට සිදුකළ පැමිණිල්ලක් මත පොලිසිය විසින් විමර්ශන ආරම්භ කර සැකකරුවන් අත්අඩංගුවට ගෙන ඇත.
