ඉන්දියාව සහ ශ්රී ලංකාව අතර පවතින දීර්ඝකාලීන සබඳතාව තරුණ පරපුර හරහා තවදුරටත් තහවුරු කරමින්, ‘විෂය දැනුම වර්ධනය කිරීමේ ව්යාපෘතියේ’ (SKE – Sri Lanka Knowledge Enhancement) සම්මාන ප්රදානෝත්සවය ඉන්දියාවේ නවදිල්ලි නුවරදී පැවැත්විණි. නවදිල්ලියේ පිහිටි ශ්රී ලංකා මහ කොමසාරිස් කාර්යාලය විසින් සංවිධානය කරන ලද මෙම වැඩසටහන, ඉන්දියා-ශ්රී ලංකා පදනමේ අනුග්රහයෙන් සහ දිල්ලි රිසෝසස් රොටරි සමාජයේ මෙහෙයවීමෙන් ක්රියාත්මක විය. දිල්ලි අගනුවර කලාපයේ (NCR) පාසල් සිසුන්ට චිත්ර, රචනා, කවි සහ විවිධ ප්රසංග හරහා ශ්රී ලංකාව පිළිබඳව ගවේෂණය කිරීමට මෙම ව්යාපෘතිය මගින් අවස්ථාව උදාකර දුනි.
මෙම උත්සවයේදී ජයග්රාහී සිසුන්ගේ නිර්මාණ ඇතුළත් ප්රදර්ශනයක් සංවිධානය කර තිබූ අතර, විවිධ සංස්කෘතික නර්තන, සංගීත සහ කාව්යමය ඉදිරිපත් කිරීම් රැසක් පැවැත්විණි. උත්සවයේදී සිසුන් විසින් ඉන්දු-ලංකා සබඳතාව ඉතා අර්ථවත්ව විග්රහ කළ අතර, එක් ශිෂ්යයකු මෙය රටවල් දෙකක් අතර වසර 2,500ක් පැරණි සංවාදයක් ලෙස හැඳින්වීය. තවත් ශිෂ්යයකු පෝක් සමුද්ර සන්ධිය බාධකයක් නොව පාලමක් බව ප්රකාශ කිරීම විශේෂත්වයක් විය.
මෙම අවස්ථාවට සහභාගි වූ ඉන්දියාවේ ශ්රී ලංකා මහ කොමසාරිස් මහේෂිණී කොලොන්නේ මහත්මිය සඳහන් කළේ, මෙම ව්යාපෘතියේ සැබෑ ජයග්රහණය වන්නේ වෙනත් රටක් පිළිබඳ දැනුම ලබා ගැනීමට වඩා, මීළඟ පරම්පරාව තුළ අන්යෝන්ය අවබෝධය, ගෞරවය සහ මිත්රත්වය වර්ධනය කිරීම බවයි.
