සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා සහ රජයේ වෛද්ය නිලධාරීන්ගේ සංගමය සඳහා අලුතින් තේරී පත් වූ නිලධාරී මණ්ඩලය අතර හමුවක් පසුගිය 10 වැනිදා සෞඛ්ය අමාත්යාංශයේදී පැවැත්විණි.
එම සංගමයේ නව සභාපති වෛද්ය චන්දික එපිටකඩුව සහ ලේකම් වෛද්ය බණ්ඩාර වරකගොඩ ඇතුළු විධායක සභාව වෙත අමාත්යවරයා සිය සුබපැතුම් එක් කළේය. මෙරට ජනතාවට වඩාත් කාර්යක්ෂම සෞඛ්ය සේවාවක් සැපයීම සඳහා අමාත්යාංශය දියත් කරන වැඩපිළිවෙළට රජයේ වෛද්ය නිලධාරීන්ගේ සංගමයේ පූර්ණ සහයෝගය අපේක්ෂා කරන බව අමාත්යවරයා එහිදී අවධාරණය කළේය.
වර්තමානයේ රට තුළ ව්යාප්ත වෙමින් පවතින ඩෙංගු රෝග තත්ත්වය සහ එම කටයුතුවලදී වෛද්යවරුන් ඇතුළු සෞඛ්ය කාර්ය මණ්ඩල මුහුණ දෙන අභියෝග පිළිබඳව මෙහිදී දීර්ඝ වශයෙන් සාකච්ඡා කෙරිණි. ඩෙංගු මර්දන වැඩසටහන් වඩාත් සාර්ථක කර ගැනීම සඳහා වන විශේෂ යෝජනා මාලාවක් සහිත වාර්තාවක් GMOA ලේකම්වරයා විසින් අමාත්යවරයා වෙත භාර දෙන ලදී.
මෙම අවස්ථාව සඳහා රජයේ වෛද්ය නිලධාරීන්ගේ සංගමය නියෝජනය කරමින් එහි සභාපති වෛද්ය චන්දික එපිටකඩුව, ලේකම් වෛද්ය බණ්ඩාර වරකාගොඩ ඇතුළු විධායක සභිකයින් සහ උප සභාපතිවරුන් ඇතුළු නිලධාරීන් පිරිසක් සහභාගී වූහ.
