කාලගුණ විද්යා දෙපාර්තමේන්තුව විසින් නිකුත් කර ඇති නවතම නිවේදනයට අනුව අද (ජූලි 13) දිනයේ කාලගුණ තත්ත්වය පහත පරිදි වේ.
සබරගමුව පළාතේත්, මහනුවර, නුවරඑළිය, ගාල්ල සහ මාතර දිස්ත්රික්කවලත් වැසි වාර කිහිපයක් ඇතිවිය හැකියි. බස්නාහිර සහ වයඹ පළාත්වල වැසි ස්වල්පයක් ඇතිවිය හැකි අතර, දිවයිනේ සෙසු ප්රදේශවල ප්රධාන වශයෙන් වියළි කාලගුණයක් පවතිනු ඇත.
මධ්යම කඳුකරයේ බටහිර බෑවුම් ප්රදේශවලත්, උතුරු මැද සහ වයඹ පළාත්වලත්, මොණරාගල, හම්බන්තොට, ත්රිකුණාමලය සහ මන්නාරම දිස්ත්රික්කවලත් විටින් විට පැයට කිලෝමීටර් 40ත් 50ත් අතර ප්රබල සුළං ඇතිවිය හැකි බව කාලගුණ විද්යා දෙපාර්තමේන්තුව වැඩිදුරටත් දැනුම් දෙයි.
