උතුරු කොරියාවේ න්යෂ්ටික පරීක්ෂණ හඳුනා ගැනීම සඳහා ඇමරිකානු රජයේ මූල්ය ප්රතිපාදන යටතේ පර්යේෂණ සිදුකළ, චීන සම්භවයක් ඇති ඇමරිකානු ජාතික භූ කම්පන විද්යාඥ යූලින් චෙන් (Yulin Chen), වසර දෙකකට ආසන්න කාලයක් තිස්සේ චීන අත්අඩංගුවේ පසුවන බව වාර්තා වේ.
ඔහුට එරෙහිව ඔත්තු බැලීමේ චෝදනා යටතේ නඩු පැවරීමට චීන බලධාරීන් කටයුතු කරමින් සිටින බව ඔහුගේ බිරිඳ, ඇමරිකානු මන්ත්රීවරුන් සහ මානව හිමිකම් සංවිධාන තහවුරු කරයි. මෙම සිදුවීම ලෝක බලවතුන් දෙදෙනා අතර දැනටමත් පවතින රාජ්යතාන්ත්රික නොසන්සුන්තාව තවදුරටත් උත්සන්න කිරීමට හේතු වී තිබේ.
පසුගිය මාර්තු 19 දින, ඇමරිකානු රාජ්ය ලේකම් මාර්කෝ රූබියෝ විසින් 54 හැවිරිදි චෙන් වැරදි සහගත ලෙස රඳවා තබාගෙන සිටින්නෙකු ලෙස නිල වශයෙන් නම් කරන ලද අතර, ඔහුව නිදහස් කරවා ගැනීම ඇමරිකාවේ ප්රමුඛතම රාජ්යතාන්ත්රික කාර්යයක් බවට පත්ව ඇත. ට්රම්ප් පරිපාලනය රාජ්ය තාන්ත්රික මට්ටමින් මෙම ගැටලුව විසඳා ගැනීමට උත්සාහ දරමින් සිටින බැවින් මේ පිළිබඳ වැඩිදුර තොරතුරු අනාවරණය කිරීමෙන් මෙතෙක් වැළකී සිටියේය.
