පසුගිය ලෝක කුසලාන ශූරයන් වන ආජන්ටිනාව, එංගලන්තය 2-1ක් ලෙස පරාජය කරමින් 2026 ලෝක කුසලාන පාපන්දු තරගාවලියේ අවසන් මහා තරගයට සුදුසුකම් ලබා ගැනීමට සමත් විය. අමෙරිකාවේ ඇට්ලන්ටා ක්රීඩාංගණයේදී පැවැති මෙම උණුසුම් තරගයේදී ප්රබල එංගලන්ත කණ්ඩායම හමුවේ පසුපසින් සිටි ආජන්ටිනාව, තරගයේ අවසන් මොහොතේ ලැබූ ජයග්රහණයෙන් වාර්තාගත ලෙස අවසන් තරගයට පිවිසියේය.
තරගයේ 55 වන මිනිත්තුවේදී ඇන්තනි ගෝර්ඩන් එංගලන්තය වෙනුවෙන් පළමු ගෝලය වාර්තා කරමින් ඔවුන් පෙරමුණට ගෙන ආ නමුත්, 85 වන මිනිත්තුවේදී එන්සෝ ෆර්නැන්ඩස් ආජන්ටිනාව වෙනුවෙන් සම තත්ත්වයට ගෝලය ලබා ගත්තේය. තරගය නිමවීමට මිනිත්තු කිහිපයක් තිබියදී, ලියොනල් මෙසීගේ විශිෂ්ට පන්දුවක් හමුවේ ආදේශක ක්රීඩක ලවුටාරෝ මාටිනෙස් 92 වන මිනිත්තුවේදී ජයග්රාහී ගෝලය වාර්තා කළේය.
මෙම ජයග්රහණයත් සමඟ ආජන්ටිනාව ලෝක කුසලාන අවසන් තරගයේදී ස්පාඤ්ඤයට එරෙහිව තරග වැදීමට නියමිතය.
