ජෝර්දානයේ පිහිටි ඇමරිකානු ප්රහාරක ජෙට් යානා සහ කුවේට්හි ස්ථාන කිහිපයක් ඉලක්ක කර ගනිමින් තමන් ප්රහාර එල්ල කළ බව ඉරාන ඉස්ලාමීය විප්ලවවාදී ආරක්ෂක බලකාය (IRGC) ප්රකාශ කරයි. ඉරාන රාජ්ය මාධ්ය වාර්තා කරන පරිදි, මෙම ප්රහාර මාලාව දියත් කර ඇත්තේ එක්සත් ජනපදය විසින් ඉරාන ඉලක්ක වෙත එල්ල කරන ලද ප්රහාරවලට ප්රතිචාර වශයෙන් බවයි.
ජෝර්දානයේ අල්-අස්රක් (al-Azraq) හමුදා කඳවුරේ තිබූ ඇමරිකානු හමුදා සන්නිවේදන පද්ධති සහ ඉන්ධන ගබඩා ඉලක්ක කර ගනිමින් මෙම ප්රහාර එල්ල වී ඇති බව වාර්තා වේ. කෙසේ වෙතත්, තමන් දෙසට එල්ල වූ ඉරාන මිසයිල තුනක් ජෝර්දාන හමුදාව විසින් බිම හෙළීමට සමත් වූ බව ජෝර්දාන බලධාරීන් පවසයි.
ඊට අමතරව, කුවේට්හි ස්ථාන කිහිපයක ස්ථානගත කර තිබූ ඇමරිකානු හමුදා සහ ඔවුන්ට සහාය දක්වන සටන්කාමීන් ඉලක්ක කර ගනිමින් එල්ල කළ ප්රහාරවලින් ‘HIMARS’ මිසයිල පද්ධති විනාශ කළ බවද ඉරානය වැඩිදුරටත් කියා සිටියි.
මෙම සිදුවීම් පිළිබඳව අදහස් දක්වමින් IRGC ප්රකාශ කළේ, ඇමරිකානු විශේෂ හමුදා සාමාජිකයින් ඇතුළු විශාල පිරිසක් මෙම ප්රහාරවලින් ඉලක්ක වූ බවත්, දෙපාර්ශවය අතර පවතින ගැටුම් තවදුරටත් ක්රියාත්මක බවත්ය. කලාපීය වශයෙන් පවතින මෙම උණුසුම් තත්ත්වය හමුවේ ඉදිරි ආරක්ෂක පියවර සම්බන්ධයෙන් ලෝක අවධානය යොමුව තිබේ.
