2026 ලෝක පාපන්දු කුසලාන තරඟාවලියේ අවසන් මහා තරඟය ජයග්රහණය කරන කණ්ඩායම වෙත අමෙරිකානු ජනාධිපති ඩොනල්ඩ් ට්රම්ප් මහතාගේ ප්රධානත්වයෙන් විශේෂ ‘ලෝක කුසලාන මුද්දක්’ පිරිනැමීමට කටයුතු යොදා ඇත.
එක් මුද්දක නිෂ්පාදන වියදම අමෙරිකානු ඩොලර් 150,000ක් (ශ්රී ලංකා මුදලින් කෝටි 5ක් පමණ) වේ. සෑම මුද්දක්ම කැරට් 18ක ඝන රත්තරනින් නිමවා ඇති අතර, ඒ සඳහා දියමන්ති සහ නිල් මැණික් ඔබ්බවා ඇත. ලෝක කුසලාන ජයග්රහණ වර්ෂය සහ විකුණුම් ප්රමාණය නිරූපණය කරමින් මෙවැනි මුදු 2026ක් නිෂ්පාදනය කර තිබේ.
ලෝක පාපන්දු ශූර කණ්ඩායම සඳහා විශේෂ මුදු 30ක් සාදා ඇති අතර, ඉතිරි මුදු 1,996 ලෝක කුසලාන අනුග්රාහකයන්ට සහ තෝරාගත් පාපන්දු ලෝලීන් සඳහා අලෙවි කිරීමට නියමිතය. සෑම මුද්දකම කුඩා ලෝක කුසලානයක් ඇතුළත් කැටයමක් සහ ජයග්රාහී කණ්ඩායමේ වර්ණ අන්තර්ගත වේ.
තරඟය අවසානයේ නායකයාට සහ පුහුණුකරුට සංකේතාත්මකව මුදු ප්රදානය කෙරෙන අතර, සංචිතයේ සෙසු ක්රීඩකයන්ට ඔවුන්ගේ නම් සහ නිශ්චිත වර්ණ සහිත මුදු පසුව ලබා දෙනු ඇත. අමෙරිකානු ක්රීඩා සංස්කෘතිය තුළ පැවතුණද, ලෝක කුසලාන පාපන්දු ඉතිහාසයේ මෙවැනි මුදු ප්රදානයක් සිදු කරන පළමු අවස්ථාව මෙය වීම විශේෂත්වයකි.
මේ අතර, අවසන් තරඟය සඳහා ජනාධිපති ට්රම්ප් සහභාගී වන බව ධවල මන්දිරය තහවුරු කරයි. ලෝක පාපන්දු සභාපති ගියනි ඉන්ෆැන්ටිනෝ සහ ජනාධිපති ට්රම්ප් අතර පවතින සබඳතාව මෙම තරඟාවලිය පුරාවටම පාපන්දු ලෝකයේ විවිධ කතාබහට ලක්වූ කරුණක් විය.
