වයස අවුරුදු 15ට අඩු ළමුන් සහ යෞවනයින් සඳහා සමාජ මාධ්ය භාවිතය සම්පූර්ණයෙන්ම තහනම් කිරීමේ නව පනත් කෙටුම්පතකට ප්රංශ පාර්ලිමේන්තුවේ විශේෂ කමිටුවක අනුමැතිය හිමිව තිබේ. ප්රංශ ජනාධිපති එමානුවෙල් මැක්රොන්ගේ (Emmanuel Macron) පාසල් වාරය ආරම්භ වන ලබන සැප්තැම්බර් මාසය වන විට මෙම තහනම බලාත්මක කිරීමේ අරමුණින් මෙම පියවර ගෙන ඇත.
මෙම පනත හරහා වයස අවුරුදු 15ට අඩු අයට තහනම් වන සමාජ මාධ්ය මොනවාදැයි නියම කිරීම සහ පරිශීලකයින්ගේ වයස තහවුරු කිරීමේ නිසි ක්රමවේදයක් සකස් කිරීම සමාජ මාධ්ය සමාගම් වෙත අනිවාර්ය කෙරේ. මීට අමතරව උසස් පාසල් (High Schools) තුළ ජංගම දුරකථන භාවිතය තහනම් කිරීමටද මෙහි යෝජනා කර ඇත. පසුගිය වසරේ අවසානයේ වයස අවුරුදු 16ට අඩු අයට සමාජ මාධ්ය තහනම් කළ ඕස්ට්රේලියාවෙන් පසුව, මෙවැනි ප්රබල පියවරක් ගත් ඊළඟ ප්රධාන රට බවට ප්රංශය පත්වීමට නියමිතය.
