මේ වසරේ පැවැත්වෙන අ.පො.ස. සාමාන්ය පෙළ විභාගය සඳහා මාර්ගගත (Online) ක්රමය ඔස්සේ අයදුම්පත් භාරගන්නා කාලසීමාව කිසිදු හේතුවක් මත දීර්ඝ නොකරන බව විභාග කොමසාරිස් ජනරාල් ඒ.කේ.එස්. ඉන්දිකා කුමාරි ලියනගේ මහත්මිය ප්රකාශ කරයි.
ඒ අනුව කලින් දැනුම්දුන් පරිදි හෙට (ජූලි 23) දිනෙන් අයදුම්පත් කැඳවීම අවසන් වන බැවින් සියලුම පාසල් සහ පෞද්ගලික අයදුම්කරුවන්ට ඊට පෙර අයදුම්පත් යොමු කරන ලෙස දැනුම් දෙයි. තවමත් ජාතික හැඳුනුම්පත ලබාගෙන නොමැති පෞද්ගලික අයදුම්කරුවන්ට භාරකරුගේ හැඳුනුම්පත් අංකය භාවිත කර අයදුම් කිරීමට පහසුකම් සලසා ඇති අතර, වැඩිදුර තොරතුරු සඳහා 1911 ක්ෂණික ඇමතුම් අංකය ඇමතිය හැකිය.
