ශ්රී ලංකා පොලිසියේ කොස්තාපල් (PC) සිට ප්රධාන පොලිස් පරීක්ෂක (CI) දක්වා නිලධාරීන් සඳහා තීරුබදු රහිතව විදුලි යතුරුපැදි ලබාදීමේ යෝජිත වැඩපිළිවෙළ සම්බන්ධයෙන් සමාජ මාධ්යවල සංසරණය වන වීඩියෝවක අඩංගු කරුණු සාවද්ය බව පොලිස් මූලස්ථානය නිවේදනය කර ඇත. නිලධාරීන්ගේ සුබසාධනය උදෙසා රජයෙන් මූලික අනුමැතිය ලබාගෙන ඇති මෙම වැඩපිළිවෙළ තවමත් මූලික සාකච්ඡා මට්ටමේ පවතින බවත්, මෙතෙක් අවසන් තීරණයක් ගෙන හෝ ප්රසම්පාදන කටයුතු ආරම්භ කර නොමැති බවත් පොලිස් රථවාහන කොට්ඨාසයේ අධ්යක්ෂවරයා නිකුත් කළ වාර්තාවක් ඇසුරින් පොලිසිය අවධාරණය කරයි. සියලු කටයුතු ඉදිරියේදී විධිමත් ප්රසම්පාදන ක්රියාවලියකට හා පූර්ණ විනිවිදභාවයකින් යුතුව සිදු කිරීමට නියමිත බවද, මහජනතාව සහ නිලධාරීන් නොමඟ යැවීමේ අරමුණින් මෙම අසත්ය ප්රචාර සිදු කර ඇති බවද වැඩිදුරටත් සඳහන් වේ.
