පලස්තීන නිලධාරීන් සමඟ ඇති වූ වෙඩි හුවමාරුවකින් ඊශ්රායල ජාතිකයෙකු මියයාමෙන් පසු ඊට දැඩි ලෙස ප්රතිචාර දක්වමින්, ත්රස්තවාදීන්ට සහ ඔවුන්ට අනුග්රහය දක්වන අයට එරෙහිව පූර්ණ බලයෙන් ක්රියා කරන බවට ඊශ්රායල අගමැති බෙන්ජමින් නෙතන්යාහු ප්රතිඥා දී තිබේ.
බටහිර ඉවුර (යුදයේ සහ සමාරියාවේ) සම්බන්ධයෙන් විශේෂ නිවේදනයක් නිකුත් කරමින් ඔහු මේ බව සඳහන් කර ඇති අතර, එහිදී ත්රස්තවාදය නැවත ස්ථාපිත වීමට ඉඩ නොදෙන බවද අවධාරණය කර ඇත. කෙසේ වෙතත්, මෙම වෙඩි හුවමාරුවෙන් මියගිය පුද්ගලයන් මීට පෙර පලස්තීන ජාතිකයින් සිව්දෙනෙකු ඝාතනය කිරීම සම්බන්ධයෙන් වගකිව යුතු බව පලස්තීන නිලධාරීහු පවසති.
