ඇමෙරිකා එක්සත් ජනපදය තුළ දේශීය ඩ්රෝන නිෂ්පාදනය වර්ධනය කිරීමට දැඩි උත්සාහයක නිරත වුවද, යුක්රේනයේ වත්මන් නිෂ්පාදන මට්ටමට ළඟාවීමට ඇමෙරිකාවට තවත් වසර ගණනාවක් ගතවනු ඇති බව පෙන්ටගන (Pentagon) බලධාරීහු ප්රකාශ කරති.
යුක්රේනය වසරකට FPV (First-Person-View) ප්රහාරක ඩ්රෝන මිලියන 6ත් 7ත් අතර ප්රමාණයක් (මසකට 500,000ක් පමණ) නිෂ්පාදනය කිරීමට සූදානම් වන අතර, ඇමෙරිකාවේ ඩොලර් බිලියන 1.1ක ‘Drone Dominance’ ව්යාපෘතිය යටතේ ඇණවුම් කර ඇත්තේ සමස්තයක් ලෙස ඩ්රෝන 200,000කට ආසන්න ප්රමාණයක් පමණි. මීට අමතරව, චීන උපාංග තහනම් කරමින් ඇමෙරිකානු කොටස් පමණක් භාවිත කිරීමේ අලුත් ආරක්ෂක නීති නිසා මෙම නිෂ්පාදන ක්රියාවලිය තවත් සංකීර්ණ වී තිබේ.
කෙසේ වෙතත්, යුක්රේන ඩ්රෝන නිෂ්පාදන සමාගම් ඇමෙරිකානු සමාගම් සමඟ එක්ව (Joint Ventures) ඇමෙරිකාව තුළම ඩ්රෝන නිෂ්පාදනය ආරම්භ කිරීමට කටයුතු කරමින් සිටින අතර, එමගින් යුක්රේනයේ යුධ බිමේ අත්දැකීම් ඇමෙරිකානු නිෂ්පාදන බලයට එකතු කරගැනීමට පෙන්ටගනය බලාපොරොත්තු වේ.
තොරතුරු උපුටා ගැනීම: Reuters ඇසුරින්
