පිලිපීනයේ පළමු ශ්රී ලංකා කොන්සියුලර් කාර්යාලය, විදේශ කටයුතු, විදේශ රැකියා සහ සංචාරක ඇමැති විජිත හේරත් මහතාගේ ප්රධානත්වයෙන් ඩාවෝ නගරයේ දී නිල වශයෙන් විවෘත කර තිබේ.
ශ්රී ලංකාව සහ පිලිපීනය අතර රාජ්ය තාන්ත්රික සබඳතා ආරම්භ කර 65 වසරක් පිරීම නිමිත්තෙන් පැවැත්වෙන සැමරුම් වැඩසටහන්වල කොටසක් ලෙස මෙම කොන්සියුලර් කාර්යාලය විවෘත කිරීම සිදුව ඇත.
මින්දනාඕහි වෙසෙන ශ්රී ලාංකිකයන්ට මෙන්ම පිලිපීන ජාතිකයින්ට කොන්සියුලර් සේවාවන් වඩාත් පහසුවෙන් ලබා ගැනීමේ අරමුණින් ඩාවෝ නගරය මේ සඳහා තෝරාගෙන ඇති අතර, මැනිලා නුවර වෙත යාමට සිදු වූ කාලය සහ පිරිවැය මඟින් ඉතිරි කර ගැනීමට මෙයින් පහසුකම් සැලසේ.
කොන්සියුලර් සේවාවන්ට අමතරව, දකුණු පිලිපීනයේ වැදගත් ආර්ථික මධ්යස්ථානයක් වන ඩාවෝ හි පිහිටුවන ලද මෙම කාර්යාලය ශ්රී ලංකාව සහ මින්ඩනාඕ අතර වෙළෙඳ, ආයෝජන, සංචාරක, අධ්යාපනික සහ සංස්කෘතික හුවමාරුව ප්රවර්ධනය කිරීම සඳහා විශාල අවස්ථාවන් ලබා දෙනු ඇත.
