අමෙරිකා එක්සත් ජනපදය සහ ඉරානය අතර පවතින සන්නද්ධ ගැටුම් සඳහා ඇමෙරිකානු ජනතාවගෙන් හිමිවන සහාය පහත වැටී ඇති බවත්, එම හමුදා ක්රියාමාර්ගවල පැහැදිලි අරමුණක් ප්රකාශ කිරීමට ජනාධිපති ඩොනල්ඩ් ට්රම්ප් අසමත් වී ඇති බවත් නවතම Reuters මතවිමසුමකින් හෙළි වී තිබේ. මාස පහක් තිස්සේ ඇදී යන මෙම යුදමය තත්ත්වය සම්බන්ධයෙන් සිදුකළ මතවිමසුමට අනුව, ඉරානයට එරෙහි යුද්ධයට සහාය දක්වන්නේ ඇමෙරිකානුවන්ගෙන් තුනෙන් එකක ප්රමාණයක් පමණක් බව අනාවරණය වී ඇත.
ඉරාන නායකයින් බලයෙන් පහකිරීම, බැලස්ටික් මිසයිල බලපෑම නැති කිරීම සහ න්යෂ්ටික ආයුධ ලබා ගැනීම වැළැක්වීම වැනි විවිධ අරමුණු ට්රම්ප් විසින් ඉදිරිපත් කළද, ඇමෙරිකානුවන්ගෙන් 69% ක් විශ්වාස කරන්නේ හමුදා මැදිහත්වීමේ ප්රධාන අරමුණු මොනවාදැයි ඔහු විසින් පැහැදිලි කර නොමැති බවයි. පෙබරවාරි 28 වන දින අමෙරිකාව සහ ඊශ්රායලය විසින් ඉරානයට ප්රහාර එල්ල කිරීමෙන් පසුව, මෙම යුද්ධය සඳහා ලැබෙන ජනප්රියතාව 40% ට වඩා අඩු මට්ටමක පවතින අතර, යුද්ධය හේතුවෙන් අමෙරිකාව තුළ ගෑසොලින් ගැලුමක සාමාන්ය මිල ඩොලර් 4 ඉක්මවා යාමද ගෘහස්ථ ආර්ථිකයට දැඩි පහරක් වී තිබේ. එළඹෙන නොවැම්බර් මාසයේ පැවැත්වෙන කොංග්රස් මණ්ඩල මැතිවරණයට පෙර යුද්ධය කෙරෙහි පවතින ජනප්රියතාව අඩුවීම ට්රම්ප්ට සහ රිපබ්ලිකන් පක්ෂයට දැඩි අභියෝගයක් වී ඇති බව වාර්තා වේ.
