ඇමරිකා – ඉරාන යුද්ධය තවත් උත්සන්න වෙමින්, ඊජිප්තුවේ මධ්යධරණී වෙරළ තීරයේ පිහිටි දමියාට් (Damietta) වරායේ ගෑස් නෞකා වෙත ඩ්රෝන ප්රහාරයක් එල්ල වී තිබේ. සූවස් ඇළ ආසන්නයේ සිදුවූ මෙම ප්රහාරය හරහා කලාපීය නාවික ගමනාගමනයට නව ආරක්ෂක තර්ජනයක් මතු වී ඇති බව විදෙස් වාර්තා පෙන්වා දෙයි.
බදාදා දින සිදුවූ මෙම ප්රහාරයෙන් නෞකා දෙකක හදිසි ගින්නක් හටගෙන ඇති අතර, එයින් ඇමරිකාවට අයත් ගෑස් ගබඩා කරන ‘Energos Winter’ නෞකාවටද හානි සිදුවී තිබේ. මෙයට ප්රතිචාර ලෙස ඇමරිකානු හමුදා ඉරාන විප්ලවීය ආරක්ෂක බලකායේ විධාන මධ්යස්ථාන සහ ඩ්රෝන පහසුකම් ඉලක්ක කර ගනිමින් ප්රහාර මාලාවක් දියත් කර ඇත.
මේ අතර, ඉරානය විසින් එල්ල කරන ලද ඩ්රෝන ප්රහාරවලට ප්රතිප්රහාර ලෙස සෞදි අරාබියද ඉරාන ගැති කණ්ඩායම් ඉලක්ක කරමින් ඇමරිකානු ප්රහාරවලට ප්රසිද්ධියේ එක්වී තිබේ. මෙම ව්යාප්ත වන ගැටුම් හමුවේ ගෝලීය බලශක්ති වෙළඳපොළ දැඩි ලෙස කැළඹී ඇති අතර, බොරතෙල් මිල ගණන් ඉහළ ගොස් ඇත.
තොරතුරු උපුටා ගැනීම: Reuters ඇසුරින්
