ශ්රී ලංකා යුද්ධ හමුදාවේ 26 වන යුද්ධ හමුදාධිපතිවරයා ලෙස ලුතිනන් ජෙනරාල් නිලන්ත ප්රේමරත්න මහතා (01) දින සිය ධුරයේ රාජකාරී නිල වශයෙන් ආරම්භ කර තිබේ.
මෙම සිදුවීමට අදාළ ප්රධාන කරුණු ලෙස, රාජකාරී භාරගැනීමට පෙර බත්තරමුල්ල රණවිරු ස්මාරකය වෙත පුෂ්පෝපහාර දැක්වූ නව යුද්ධ හමුදාධිපතිවරයා වෙත යුද්ධ හමුදා මූලස්ථානයේදී සම්මාන මුරයක් හා සම්මාන පෙළපාලියක් පිරිනමා ඇති අතර, අනතුරුව සර්ව ආගමික වතාවත් මධ්යයේ ඔහු නව ධුරයේ රාජකාරි අරම්භ කර ඇත. මාතර ශාන්ත සර්වේශස් විද්යාලයේ ආදි සිසුවෙකු වන ඔහු 1990 වසරේදී ශ්රී ලංකා යුද්ධ හමුදාවට එක්වී ඇති අතර, දශක තුනකට අධික කීර්තිමත් හමුදා දිවිය තුළ විවිධ අණ සහ මාණ්ඩලික තනතුරු රැසක් හොබවා තිබේ. සටන් බිමේ දැක්වූ වීරත්වය වෙනුවෙන් රණශූර පදක්කමින් සහ උත්තම සේවා පදක්කමින් පිදුම් ලබා ඇති ලුතිනන් ජෙනරාල් නිලන්ත ප්රේමරත්න මහතා, යුද්ධ හමුදාධිපති ධුරයට පත්වීමට පෙර යුද්ධ හමුදා මාණ්ඩලික ප්රධානියා ලෙස කටයුතු කළේය.
