වසරේ ආරම්භයේ සිට මේ දක්වා මෙරටින් වාර්තා වූ සමස්ත ඩෙංගු රෝගීන් සංඛ්යාව 86,000ක් ලෙස ජාතික ඩෙංගු මර්දන ඒකකය නිකුත් කළ නවතම වාර්තාවක සඳහන් වේ.
ඒ අනුව වසරේ මේ දක්වා වූ කාලය තුළ වැඩිම ඩෙංගු රෝගීන් ප්රමාණයක් වාර්තා වී ඇත්තේ පසුගිය ජූලි මාසයේදී වන අතර, එම ගණන 29,980ක් ලෙස සටහන් වී ඇති අතර අගෝස්තු මාසයේ ගතවූ දින දෙක තුළ පමණක් ඩෙංගු රෝගීන් 646ක් වාර්තා වී තිබේ. මින් වැඩිම රෝගීන් ප්රමාණයක් වාර්තා වී ඇත්තේ ගම්පහ දිස්ත්රික්කයෙන් වන අතර, එම සංඛ්යාව 18,249කි. දෙවැනියට වැඩිම රෝගීන් සංඛ්යාවක් වාර්තා වී ඇත්තේ කොළඹ දිස්ත්රික්කයෙන් වන අතර, එම රෝගීන් ගණන 17,048කි.මෙලෙස රෝගීන් වාර්තා වීමත් සමඟ ඩෙංගු රෝගය හේතුවෙන් සිදුවූ මරණ ගණන 62ක් ලෙස සටහන් වී ඇති අතර, අධි අවදානම් කලාප ලෙස තවදුරටත් සෞඛ්ය වෛද්ය නිලධාරී කාර්යාල 137ක් පවතින බවද ජාතික ඩෙංගු මර්දන ඒකකය පෙන්වා දී තිබේ.
