මෙරට සාර්ව සෞඛ්ය ආවරණ වැඩපිළිවෙළ ශක්තිමත් කිරීම සඳහා ආසියානු සංවර්ධන බැංකුව (ADB) ඇමෙරිකානු ඩොලර් මිලියන 100ක මූල්ය ප්රතිපාදන ලබාදෙන බව සෞඛ්ය නියෝජ්ය අමාත්යවරයා පවසයි.
සියලු පුරවැසියන්ට ගුණාත්මක, සුරක්ෂිත හා කාර්යක්ෂම සෞඛ්ය සේවාවක් ලබාදීම උදෙසා ද්විතීයික රෝහල් පද්ධතිය සවිමත් කිරීමේ අරමුණින් පැවැති මධ්යම රජයේ සහ පළාත් සභා ඒකාබද්ධ සෞඛ්ය සේවා පාලන පද්ධතිය ශක්තිමත් කිරීමේ (Central–Provincial Dialogue) තෙදින සංවාදය මහනුවර කැන්ඩි මිස්ට් හෝටලයේදී පසුගියදා (අගෝස්තු 01) සාර්ථකව අවසන් විය.
සෞඛ්ය නියෝජ්ය අමාත්ය වෛද්ය හංසක විජේමුණි සහ සෞඛ්ය සේවා අධ්යක්ෂ ජනරාල් වෛද්ය අසේල ගුණවර්ධන යන මහත්වරුන්ගේ ප්රධානත්වයෙන් පැවැති මෙම වැඩසටහනේ ප්රධාන ඉලක්කය වන්නේ, ආසියානු සංවර්ධන බැංකුවේ ප්රතිඵල පදනම් කරගත් ණය මුදලක් (Results Based Loan – RBL) සහ වසංගත අරමුදල් ප්රදානයක් යටතේ දිස්ත්රික්ක 26ක නගර 82ක පිහිටි ද්විතීයික රෝහල් 82ක සේවාවන්වල ගුණාත්මකභාවය සහ කාර්යක්ෂමතාව ඉහළ නැංවීමයි. මෙහිදී සමස්ත අරමුදල්වලින් 85%ක්ම පළාත් සභා පාලනය යටතේ පවතින සෞඛ්ය සේවා දියුණු කිරීම සඳහා යොදවන බවද සඳහන් වේ.
