එක්සත් ජාතීන්ගේ සංවර්ධන වැඩසටහනේ (UNDP) සහකාර මහලේකම් කන්නි විග්නරාජා මහත්මිය සහ කම්කරු අමාත්ය සහ මුදල් හා ක්රමසම්පාදන නියෝජ්ය අමාත්ය ආචාර්ය අනිල් ජයන්ත ප්රනාන්දු මහතා අතර හමුවක් අද (03) මුදල් අමාත්යාංශයේ දී පැවැත්විණි.
මෙහිදී වත්මන් රජය මගින් මෙරට ආර්ථිකය හසුරවමින් සිටින ආකාරය පිළිබඳව පැසසුම් එක් කළ විග්නරාජා මහත්මිය, ඉදිරියේදී ද ශ්රී ලංකාව සමග තවදුරටත් සමීපව කටයුතු කරන බව සඳහන් කළාය. මූල්ය විනය සහ විනිවිදභාවය වැනි කරුණු පිළිබඳව වත්මන් රජය සමග කිසිදු විවාදයක් නොමැති බව පෙන්වා දුන් ඇය, දැනට ක්රියාත්මක ආර්ථික ඩිජිටල්කරණ වැඩසටහනද පැසසුමට ලක් කළ බව මුදල්, ක්රමසම්පාදන හා ආර්ථික සංවර්ධන අමාත්යාංශය විසින් නිකුත් කළ නිවේදනයක දැක්වේ.
එහිදී අමාත්යවරයා විසින් එක්සත් ජාතීන්ගේ සංවර්ධන වැඩසටහන මගින් ශ්රී ලංකාව වෙනුවෙන් ලබා දෙන සහාය අගය කළ අතර, මූල්ය සහයෝගීතාව සහ උපදේශකත්වයෙන් ඔබ්බට ගිය සම්බන්ධතාවයක අවශ්යතාවයද අවධාරණය කර ඇත.
මෙම අවස්ථාව සඳහා එක්සත් ජාතීන්ගේ සංවර්ධන වැඩසටහනේ නේවාසික නියෝජිත අසූසා කුබෝටා සහ එහි ආර්ථික විද්යාඥ ආචාර්ය වගීෂා ගුණසේකර යන මහත්මීහු ද එක්ව සිටියහ.
