මෙරට බන්ධනාගාර තදබදය සහ සිර ඝනත්වය අවම කිරීම සඳහා ක්රමානුකූල වැඩපිළිවෙළක් සකස් කිරීම සම්බන්ධයෙන් රාජ්ය පාලනය යුක්තිය හා සිවිල් ආරක්ෂණය පිළිබඳ ආංශික අධීක්ෂණ කාරක සභාවේදී දැඩි අවධානයක් යොමු කර තිබේ.
මෙම සිදුවීමට අදාළ ප්රධාන කරුණු ලෙස, කාරක සභා සභාපති, පාර්ලිමේන්තු මන්ත්රී නජිත් ඉන්දික මහතාගේ ප්රධානත්වයෙන් පැවති මෙම රැස්වීමේදී මත්ද්රව්ය වෙළෙන්ඳන් සහ ඇබ්බැහි වන්නන් අතර වෙනස හඳුනා ගැනීම සඳහා අදාළ ආඥාපනත සංශෝධනය කිරීම, සුළු වැරදි සඳහා සිරදඬුවම් වෙනුවට නිවාස අඩස්සියේ තැබීම (House Arrest) හෝ ප්රජා සේවය වැනි විකල්ප දඬුවම් ක්රම හඳුන්වා දීම, නඩු විභාග හා ඇප ක්රමවේද කඩිපත් කිරීම මෙන්ම කාන්තා රැඳවියන් සහ ඔවුන්ගේ දරුවන්ගේ අභිවෘද්ධිය වෙනුවෙන් ගත යුතු ක්රියාමාර්ග පිළිබඳව දීර්ඝ වශයෙන් සාකච්ඡා කර ඇත.
