තලේබාන් පාලනය යටතේ ඇෆ්ගනිස්තානයේ ක්රීඩා තහනම් වීම හේතුවෙන් විදෙස් රටවල සරණාගතයන් ලෙස ජීවත් වන ඇෆ්ගනිස්තාන කාන්තා පාපන්දු කණ්ඩායම වසර ගණනාවකට පසු නවසීලන්තයේදී යළි එකතු වී තිබේ. විවිධ රටවල පදිංචිව සිටින ක්රීඩිකාවන් 23 දෙනෙකුගෙන් යුත් මෙම සංචිතය, පුහුණු කඳවුරක් සඳහා සහ කුක් දූපත් සමඟ නිල නොවන මිත්රත්ව තරග දෙකකට සහභාගී වීම සඳහා නවසීලන්තය වෙත ගොස් ඇත.
පසුගිය අප්රේල් මාසයේදී ජාත්යන්තර පාපන්දු සම්මේලනය (FIFA) විසින් මෙම ක්රීඩිකාවන්ට අනාගතයේදී නිල තරගවලදී තම රට නියෝජනය කිරීමට අවසර ලබා දීමෙන් පසු ඔවුන් මෙලෙස එකතු වූ පළමු අවස්ථාව මෙය වේ. 2021 අගෝස්තු මාසයේදී තලේබාන්වරුන් බලයට පත්වීමෙන් පසු කාන්තාවන්ගේ ක්රීඩා කටයුතු සම්පූර්ණයෙන් තහනම් කිරීම නිසා, ජාතික කාන්තා පාපන්දු කණ්ඩායමේ සාමාජිකාවෝ ඕස්ට්රේලියාව, එක්සත් රාජධානිය සහ පෘතුගාලය වැනි රටවලට පලා ගොස් සරණාගතයන් ලෙස පදිංචි වූහ. වසර ගණනාවක උද්ඝෝෂණවල ප්රතිඵලයක් ලෙස “Afghan Women United” නමින් සරණාගත කණ්ඩායමක් බිහි වූ අතර, FIFA හි නව තීරණයත් සමඟ ඔවුන් දැන් ඔලිම්පික් සහ ලෝක කුසලාන වැනි ජාත්යන්තර තරගාවලි සඳහා සුදුසුකම් ලැබීමට උත්සාහ කරමින් සිටියි.
