කොළඹ මහාධිකරණය විසින් නියම කරන ලද වසර තුනක බරපතල වැඩ සහිත සිරදඬුවම අභියෝගයට ලක් කරමින් හිටපු පාර්ලිමේන්තු මන්ත්රී හිරුනිකා ප්රේමචන්ද්ර මහත්මිය ගොනු කළ අභියාචනා නඩුව සැප්තැම්බර් මස 23 වැනි දින දක්වා විමර්ශනය කිරීම අභියාචනාධිකරණය විසින් කල් තබා ඇත.
2015 වසරේදී දෙමටගොඩ වෙළඳසැලක තරුණයකු පැහැරගෙන ගොස්, නීතිවිරෝධී ලෙස රඳවාගෙන පහර දීමේ සිද්ධියකට වරදකරු කරමින් 2024 ජුනි 28 වැනි දින ලබාදුන් තීන්දුවට එරෙහිව මෙම අභියාචනය ගොනු කර තිබේ. විනිසුරු මඩුල්ල ඉදිරියේ මෙම නඩුව කැඳවූ අවස්ථාවේදී මෙම නියෝගය නිකුත් කෙරිණි.
