මියගිය, විශ්රාමික සහ සේවයේ නියුතු යුද හමුදා රණවිරුවන්ගේ හා ඔවුන්ගේ ළඟම ඥාතීන්ගේ ගැටළු නිරාකරණය කිරීම වෙනුවෙන් ක්රියාත්මක වන යුද හමුදා සුබසාධක කඳවුරේ 10 වන අදියර සහ වෛද්ය සායනය ඊයේ (07) හම්බන්තොට 12 වන පාබල සේනාංක මූලස්ථානයේදී පැවැත්විණි.
යුද හමුදාධිපති ලුතිනන් ජෙනරාල් නිලන්ත ප්රේමරත්න මහතාගේ ප්රධානත්වයෙන් මෙම වැඩසටහන ක්රියාත්මක විය.
මෙම සුබසාධක කඳවුර හා වෛද්ය සායනය තුළින් ඉටු වූ සේවාවන්:
සාමාන්ය වෛද්ය පරීක්ෂණ, කෘත්රිම පාද නඩත්තු සේවා, චර්ම රෝග සහ දන්ත සායන, අක්ෂි සායනයක් මෙන්ම පෝෂණ උපදේශන සායනයක් ඇතුළු තවත් සේවාවන් රැසක් පවත්වන ලදී.
ආබාධිත රණවිරුවන්ගේ ගමනාගමන පහසුව සහ ජීවන තත්ත්වය ඉහළ නැංවීමේ අරමුණින් රෝද පුටු, කිහිලිකරු සහ වෙනත් අත්යවශ්ය වෛද්ය උපකරණ බෙදා දීමද මෙහිදී සිදු කෙරිණි.
රණවිරු සේවා අධිකාරිය, වැටුප් හා ලේඛණ, පිරිස් පාලන, නීති සේවා, මානව හිමිකම් හා මානුෂවාදී නීති, සුභසාධන, රණසේවා හා පුනරුත්ථාපන සහ යුද හමුදා වෛද්ය සේවා යන අධ්යක්ෂ මණ්ඩලවල නියෝජිතයෝ පිරිසක් මෙම අවස්ථාවට සහභාගී වූහ.
