දැඩි උණුසුම් කාලගුණ තත්ත්වය (heatwave) හේතුවෙන් මිනිස් ජීවිතවලට එල්ල වී ඇති අවදානමේ පරිමාණය වටහා ගැනීමට බලධාරීන් අපොහොසත් වී ඇති බව ස්විස් රී (Swiss Re) ප්රතිරක්ෂණ සමාගමේ ප්රධාන විධායක නිලධාරී ඇන්ඩ්රියාස් බර්ගර් (Andreas Berger) පවසයි.
යුරෝපය පුරා වාර්තාගත උණුසුම් කාලගුණය නිසා වැඩිහිටියන් ඇතුළුව දහස් සංඛ්යාත පිරිසක් මියගොස් ඇති අතර, ප්රංශය සහ ස්පාඤ්ඤය වැනි රටවල උෂ්ණත්වය ඉමහත් ලෙස ඉහළ ගොස් තිබේ. අධික උණුසුම නිසා ප්රධාන ගංගාවල ජල මට්ටම පහත වැටීමෙන් නාවික හා නැව් ප්රවාහනයට බාධා මතුවී ඇති බැවින්, සැපයුම් දාමයේ පීඩනය අවම කරගැනීම සඳහා ජර්මනියේ උතුරු රයින්-වෙස්ට්පාලන, පහළ සැක්සනි, රයින්ලන්ඩ්-පැලැටිනේට් සහ සාර්ලන්ඩ් යන ප්රාන්ත විසින් ඉරිදා දිනවල ට්රක් රථ සඳහා පනවා තිබූ රථවාහන සීමා තාවකාලිකව ලිහිල් කිරීමට පියවර ගෙන ඇත. රොබර්ට් කොක් ආයතනයට අනුව, ජර්මනියේ පමණක් මේ වසරේ ජූලි අග වන විට උණුසුම නිසා සිදුවූ මරණ සංඛ්යාව 11,900කට ආසන්නය.
