අධිකරණ සහ බන්ධනාගාර ක්ෂේත්රවල ක්රියාත්මක කරමින් පවතින ප්රතිසංස්කරණ සම්බන්ධයෙන් සමස්ත ලංකා ජමියතුල් උලමා (ACJU) සංගමය රජය විසින් දැනුවත් කර තිබේ.
අධිකරණ හා ජාතික ඒකාබද්ධතා අමාත්ය හර්ෂණ නානායක්කාර, නියෝජ්ය කථානායක වෛද්ය රිස්වි සාලි සහ ආගමික හා සංස්කෘතික කටයුතු නියෝජ්ය අමාත්ය මුනීර් මුලාෆර් යන මහත්වරුන්ගෙන් සමන්විත රජයේ නියෝජිත පිරිසක් මෙම හමුව සඳහා එක්විය. සමස්ත ලංකා ජමියතුල් උලමා සංගමයේ සභාපති රිස්වි මුෆ්ති මංජුල, ප්රධාන ලේකම් අශ්-ෂේක් අර්කාම් නූර්අමීත් මව්ලවි ඇතුළු විධායක සභාවේ සාමාජිකයින් මෙම සාකච්ඡාවට සහභාගී වූහ.
වත්මන් අධිකරණ පද්ධතිය සම්බන්ධයෙන් සමාජයේ පැතිර යන වැරදි වැටහීම් පැහැදිලි කිරීම සහ ක්රියාත්මක කෙරෙන ප්රතිසංස්කරණවල ප්රගතිය පිළිබඳව ACJU සංගමයට තොරතුරු ලබා දීම මෙම හමුවේදී මූලික වශයෙන් සිදුවිය.
