දිවයිනේ දිස්ත්රික්ක කිහිපයක මිනිස් සිරුරට දැනෙන උෂ්ණත්වය අවධානය යොමු කළයුතු මට්ටමකට ඉහළ යනු ඇති බව කාලගුණ විද්යා දෙපාර්තමේන්තුව පවසයි. වව්නියාව, මුලතිව්, ත්රිකුණාමලය, පොළොන්නරුව, මඩකලපුව, අම්පාර සහ මොණරාගල යන දිස්ත්රික්කවල උෂ්ණත්වය සෙල්සියස් අංශක 39ත් 45ත් අතර අගයක් ගනු ඇතැයි අපේක්ෂා කෙරේ. පවතින දැඩි වියළි කාලගුණය හේතුවෙන් ඇතැම් ප්රදේශවල පානීය ජල හිඟයක් මතුව ඇති අතර, කෘෂිකර්මාන්තයට සහ දෛනික ජන ජීවිතයට ද දැඩි බලපෑම් එල්ල වී තිබේ. මඩකලපුව, මොණරාගල, රත්නපුර සහ අම්පාර යන දිස්ත්රික්කවල ජල ගැටලු පවතින ප්රදේශවලට බව්සර් මගින් ජලය බෙදාහැරීමේ කටයුතු සිදු කරන බව නිවාස, ඉදිකිරීම් සහ ජලසම්පාදන නියෝජ්ය අමාත්ය සුසිල් රණසිංහ සඳහන් කළේය. මේ අතර, පවතින අධික උණුසුම් කාලගුණය සමඟ විශාදය වැනි මානසික රෝග උත්සන්න වීමේ හැකියාවක් පවතින බව රාගම වෛද්ය පීඨයේ ළමා හා යොවුන් මනස පිළිබඳ විශේෂඥ වෛද්ය මහාචාර්ය මියුරු චන්ද්රදාස පෙන්වා දෙයි.
