නැගෙනහිර ජපානයට බලපා ඇති අධික වර්ෂාපතනය හේතුවෙන් සිදුව ඇති මරණ සංඛ්යාව 8ක් දක්වා ඉහළ ගොස් තිබේ.
විශේෂයෙන් එරට චිබා ප්රාන්තයට පෙර නොවූ විරූ වර්ෂාපතනයක් ඇදහැලී ඇති අතර, පැය 24ක් තුළ ඇතැම් ප්රදේශවලින් මිලිමීටර් 367ක වර්ෂාපතනයක් වාර්තා වී ඇත. මීට පෙර එම ප්රාන්තයේ වාර්තා වී තිබූ වැඩිම වර්ෂාපතනය වූයේ 2023 ඔක්තෝබර් මාසයේ වාර්තා වූ මිලිමීටර් 309ක අගයයි. අධික වර්ෂාවත් සමඟ ප්රදේශ රැසක මහාමාර්ග සහ දුම්රිය මාර්ග ජලයෙන් යටවීම හේතුවෙන්, ටෝකියෝහි නරීටා ජාත්යන්තර ගුවන්තොටුපළට පැමිණි මගීන් 7,000ක් පමණ ප්රවාහන පහසුකම් නොමැතිව රාත්රී කාලය පුරා එහි රැඳී සිටීමට පවා සිදුව තිබේ.
මේ අතර, අධික වර්ෂාවත් සමඟ ඇතිවිය හැකි ගංවතුර අවදානම සැලකිල්ලට ගනිමින් උතුරු පිලිපීනයේ ද රජයේ කාර්යාල සහ පාසල් වසා දැමීමට බලධාරීන් පියවර ගෙන ඇත.
