මොනරාගල දිස්ත්‍රික්කයට මාස දෙකක පමණ කාලයක සිට පවතින දැඩි නියං තත්ත්වය හේතුවෙන් වැව් අමුණු සිඳී ගොස් උග්‍ර පානීය ජල හිඟයක් මතුව ඇති අතර, ප්‍රදේශ රැසකට ජලය සපයනු ලබන්නේ දින තුනකට හෝ පහකට වරක් බව වාර්තා වේ.
සියඹලාණ්ඩුව, මඩුල්ල, තණමල්විල සහ වැල්ලවාය ප්‍රාදේශීය ලේකම් කොට්ඨාසවලට මෙම නියඟය දැඩි ලෙස බලපා ඇති අතර, ප්‍රදේශයේ ජල මූලාශ්‍ර සිඳී යාම නිසා ජනතාව දැඩි දුෂ්කරතාවකට මුහුණ දී සිටිති. කෙසේ වෙතත්, නියඟයෙන් හානි වූ වගාවන් සඳහා අක්කරයකට උපරිම රුපියල් 40,000ක වන්දියක් ගෙවීමට කටයුතු සූදානම් කර ඇති බව බලධාරීන් සඳහන් කරයි.
